2020 جىلدىڭ ءبىرىنشى توقسانىندا دەنساۋلىق ساقتاۋ سالاسىنداعى قىزمەتكەرلەردىڭ ورتاشا ايلىق جالاقىسى 152،4 مىڭ تەڭگەنى قۇرادى. بۇل تۋرالى ranking.kz حابارلادى.

وتكەن جىلدىڭ ءبىرىنشى توقسانىمەن سالىستىرعاندا ءوسىم 31،6 پايىزدى، ناقتى ءوسىم، ونىڭ ىشىندە ينفلياسيا 24،2 پايىزدى قۇرادى. انىقتاما ءۇشىن: قازاقستاندا ورتاشا جالاقى جىلىنا 18،9 پايىزعا، 200،3 مىڭ تەڭگەگە دەيىن ءوستى. ساتىپ الۋ قابىلەتىنىڭ ناقتى ءوسىمى 12،2 پايىزدى قۇرادى.

پرەزيدەنتتىڭ مەديسينا قىزمەتكەرلەرىنىڭ جالاقىسىن ارتتىرۋ تاپسىرسىنا سايكەس، 2023 جىلعا قاراي ولاردىڭ جالاقىسى ورتاشا رەسپۋبليكالىق كورسەتكىشتەن 2،5 ەسە جوعارى بولۋعا ءتيىس.

بۇل سالاداعى ەڭ ۇلكەن جالاقىنى تىكەلەي مەديسينا قىزمەتكەرلەرى الادى: ولاردىڭ ىشىندە دەنساۋلىق ۇيىمدارىنىڭ قىزمەتكەرلەرى 159 مىڭ تەڭگە الادى، ءوسىم – 35،4 پايىز. ستوماتولوگيالىق جانە مەديسينالىق قىزمەتپەن اينالىساتىندار 149،46 مىڭ تەڭگە الادى، ءوسىم – 27،9 پايىز؛ دەنساۋلىق ساقتاۋدىڭ باسقا قىزمەتىمەن اينالىساتىن قىزمەتكەرلەردە – 153،6 مىڭ تەڭگە، ءوسىم 22،3 پايىز.

وڭىرلەر بولىنىسىندە دەنساۋلىق ساقتاۋ جانە الەۋمەتتىك قىزمەت كورسەتۋ سالاسىنداعى ەڭ جوعارى جالاقىنى نۇر-سۇلتان (208،1 مىڭ تەڭگە، ءوسىم جىلىنا 24،8 پايىز)، الماتى قالاسى (167،2 مىڭ تەڭگە، ءوسىم 23،5 پايىز) جانە اتىراۋ وبلىسى (157،85 مىڭ تەڭگە، ءوسىم 25،9 پايىز) قىزمەتكەرلەرى الادى. ەڭ از جالاقى تۇركىستان وبلىسىنىڭ قىزمەتكەرلەرىنە تيەسىلى: 134،8 مىڭ تەڭگە، بۇرىن 96،8 مىڭ تەڭگە بولعان.