3-4 ماۋسىمدا قازاقستاننىڭ جەتى وڭىرىندە اۋا تەمپەراتۋراسى جوعارىلايدى. بۇل تۋرالى توتەنشە جاعدايلار كوميتەتىنىڭ باسپا ءسوز قىزمەتى حابارلادى.
تجك مالىمەتىنشە، الداعى كۇندەرى اتىراۋ وبلىسىندا كۇن ىسىپ، جەلدىڭ جىلدامدىعى سەكۋندىنا 15-20 مەترگە دەيىن جەتەدى. اۋا تەمپەراتۋراسى 40 گرادۋسقا دەيىن كوتەرىلەدى.
ال قىزىلوردا وبلىسىندا اۋا تەمپەراتۋراسى 47 گرادۋسقا دەيىن جوعارىلايدى دەپ بولجانىپ وتىر. كەي اۋماقتا جەلدىڭ جىلدامدىعى سەكۋندىنا 15-20 مەترگە دەيىن جەتەدى.
3-5 ماۋسىمدا جامبىل، ماڭعىستاۋ، تۇركىستان، اقتوبە، الماتى وبلىستارىندا دا كۇن ىستىق بولاتىنى ايتىلادى: 35-38 گرادۋس، كەي اۋماقتا 40-42 گرادۋس ىستىق بولادى دەگەن بولجام بار.
پىكىر قالدىرۋ