مەملەكەت باسشىسى قاسىم-جومارت توقايەۆ Twitter جەلىسىندە كوروناۆيرۋستىڭ ەكىنشى تولقىنى تۋرالى پىكىر ءبىلدىردى.
"ۇكىمەتتىك كوميسسيانىڭ بارلىق ىس-ارەكەتىنە قاراماستان ىندەتكە شالدىققان ازاماتتارىمىز ازايماي وتىر. كوروناۆيرۋستىڭ ەكىنشى تولقىنىنىڭ ءقاۋىپى سەيىلمەگەنىن ددسۇ دا راستادى. وتانداستارىمىزدى جاپپاي اۋرۋعا شالدىعۋدان قاشىپ، ىندەتتەن قورعانۋدىڭ جولدارىن (اراقاشىقتىقتى ساقتاۋ، دەزينفەكسيا، جەكە تازالىق، بەتپەردە كيۋ) ۇستانۋعا تاعى دا شاقىرامىن" دەپ جازدى توقايەۆ.
ەسكە سالايىق، قازاقستاندا كوروناۆيرۋس جۇقتىرعانداردىڭ سانى 12 مىڭنان استى. اۋرۋدان 6240 ادام ايىقسا، قايتىس بولعانداردىڭ سانى 48-گە جەتتى.
پىكىر قالدىرۋ