ق ر ۇكىمەتىنىڭ قاۋلىسىمەن سەرىك جامبىل ۇلى شاپكەنوۆ ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى قىزمەتىنە تاعايىندالدى. بۇل تۋرالى ق ر پرەمەر-مينيسترىنىڭ باسپا ءسوز قىزمەتى حابارلادى دەپ جازادى Qamshy.kz اقپارات اگەنتتىگى.
س. شاپكەنوۆ 1979 جىلى باتىس قازاقستان وبلىسى قاراتوبە اۋىلىندا تۋعان. باتىس قازاقستان مەملەكەتتىك ۋنيۆەرسيتەتىن «ەكونوميست-ماتەماتيك» ماماندىعى بويىنشا بىتىرگەن.
ەڭبەك جولىن 2000 جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستادى. ءتۇرلى جىلدارى باتىس قازاقستان وبلىسى اكىمىنىڭ اپپاراتى قۇرىلىمىندا جۇمىس ىستەدى.
2012-2015 جىلدارى باتىس قازاقستان وبلىسى اكىمىنىڭ ءبىرىنشى ورىنباسارى بولدى.
2015-2016 جىلدارى – ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى، 2016-2018 جىلدارى – اتىراۋ قالاسىنىڭ اكىمى، 2018 جىلدان باستاپ قازىرگى ۋاقىتقا دەيىن اتىراۋ وبلىسى اكىمىنىڭ ءبىرىنشى ورىنباسارى بولدى.
پىكىر قالدىرۋ