الماتى وبلىستىق ىشكى ساياسات باسقارماسىنىڭ قولداۋىمەن «Halyk» قايىرىمدىلىق قورىنان بولىنگەن گۋمانيتارلىق كومەك كوكسۋ اۋدانىنىڭ از قامتىلعان كومەككە مۇقتاج جاندارعا تاراتىلدى. بۇل تۋرالى كوكسۋ اۋدانى اكىمدىگىنىڭ instagram پاراقشاىندا حابارلاندى.

اۋدان بويىنشا كوپبالالى، از قامتىلعان وتباسىلارعا، تومەنگى زەينەتاقى الاتىندار مەن مۇگەدەك ساناتىنا جاتقىزىلعان 100 وتباسىعا 3 قوراپتان، جالپى 300 قوراپ ازىق-تۇلىك پەن 500 ليتر كۇنباعىس مايى تابىستالدى.

بەرىلگەن جيناق قۇرامىندا ۇن، ماكارون، وسىمدىك مايى، كۇرىش، قاراقۇمىق، قانت، شاي مەن تاتتىلەر بار. «Halyk» قايىرىمدىلىق قورىنان كەلگەن ازىق-تۇلىك جيناعىن، اۋدان ەرىكتىلەرى مەكەن-جاي بويىنشا ءاربىر وتباسىعا جەتكىزىپ بەردى.

ايتا كەتكەن ءجون، توتەنشە جاعداي جاريالانعالى كوكسۋ اۋدانى بويىنشا جەكە كاسىپكەرلەردىڭ قولداۋىمەن 862 وتباسىعا 9 ملن 500 مىڭ تەڭگەدەن استام قارجىعا الەۋمەتتىك ازىق-تۇلىك تاراتىلعان.