3 ماۋسىمدا بەلارۋس پرەزيدەنتى الەكساندر لۋكاشەنكو قازىرگى ۇكىمەتتى وتستاۆكاعا جىبەرۋ تۋرالى شەشىم شىعارىپ، ءتيىستى جارلىققا قول قويدى، دەپ جازادى Qamshy.kz اقپارات اگەنتتىگى بەلتا سايتىنىڭ دەرەگىن نەگىزگە الىپ.
– مۇنداي شەشىم قابىلداماس بۇرىن سىزدەرمەن اقىلداسۋدى ءجون كوردىم. ۇكىمەتتىڭ جاڭا قۇرامىنا قاتىستى ماسەلەنى شەشىپ الۋىمىز كەرەك. بۇل تۋرالى بۇرىن دا ايتقانمىن. باسقاشا ءتۇسىنىپ قالماۋ ءۇشىن ەسكەرتە كەتەيىن، ۇكىمەتتىڭ جاڭا قۇرامى تۋرالى تالقىلاۋدى باياعىدا باستادىق. شامامەن جارتى جىل بۇرىن، – دەدى لۋكاشەنكو.
سونداي-اق بەلارۋس پرەزيدەنتى كوروناۆيرۋس سالدارىنان الەمدىك ەكونوميكادا داعدارىس بولىپ جاتقاندىقتان ءقازىر ۇكىمەت قۇرامىنا اۋقىمدى وزگەرىس جاساۋ ءتيىمسىز ەكەنىن ايتتى.
پىكىر قالدىرۋ