"Halyk" قايىرىمدىلىق قورى الماتى وبلىستىق ىشكى ساياسات باسقارماسىنىڭ قولداۋىمەن الاكول اۋدانىنىڭ 100 وتباسىنا (ءاربىر مۇشەسىنە بولەك-بولەك) ەڭ قاجەتتى ازىق-تۇلىك تاۋارلارى تولتىرىلعان قوراپتاردى تاراتتى.
ءار وتباسىعا 3 قوراپتان ساناعاندا، بارلىعى 300 ازىق-تۇلىك قوراپتارى مەن 500 ليتر كۇنباعىس مايى كوپبالالى، از قامتاماسىز ەتىلگەن وتباسىلارعا جەتكىزىلدى.
سولاردىڭ ءبىرى ءۇشارال قالاسىنىڭ تۇرعىنى ا.اتالىكوۆا بۇگىندە 4 بالا تاربيەلەپ وتىرعان جالعىزباستى انا. اتالعان قور تاراپىنان كورسەتىلگەن كومەككە العىسىن ءبىلدىرىپ، ريزاشىلىعىن جەتكىزدى.
جالپى قوردىڭ يگى باستاماسىمەن وسى ۋاقىتقا دەيىن الماتى وبلىسىنىڭ 2000 تۇرعىنىنا كومەك كورسەتىلدى. مۇنداي اۋقىمدى كومەكتى ۇيىمداستىرۋدا بەيبىت الىبەكوۆ، ءانۋار جۇماعۇلوۆ جانە ايدار جاكۋپوۆ سىندى جومارت جاندار ۇلكەن قولداۋ كورسەتتى.
پىكىر قالدىرۋ