الماتى وبلىستىق ىشكى ساياسات باسقارماسىنىڭ قولداۋىمەن «Halyk» قايىرىمدىلىق قورىنان بولىنگەن گۋمانيتارلىق كومەك اقسۋ اۋدانى اكىمدىگى ۇسىنعان مۇقتاج جانداردىڭ ءتىزىمى بويىنشا ۇي-ۇيگە تاراتىلدى.

اۋدان بويىنشا كوپبالالى، از قامتىلعان وتباسىلارعا، تومەنگى زەينەتاقى الاتىندار مەن مۇگەدەك ساناتىنا جاتقىزىلعان 54 وتباسىعا 3 قوراپتان، جالپى 162 قوراپ ازىق-تۇلىك پەن 270 ليتر كۇنباعىس مايى تابىستالدى.

جيناق قۇرامىندا ۇن، ماكارون، وسىمدىك مايى، كۇرىش، قاراقۇمىق، قانت، شاي مەن تاتتىلەر بار.

«Halyk» قايىرىمدىلىق قورىنان كەلگەن ازىق-تۇلىك جيناعىن، اۋدان ەرىكتىلەرى مەكەن-جاي بويىنشا ءاربىر وتباسىعا جەتكىزىپ بەردى.

توتەنشە جاعداي جاريالانعالى اقسۋ اۋدانى بويىنشا 510 وتباسىعا 10 ميلليوننان استام قارجىعا الەۋمەتتىك ازىق-تۇلىك تاراتىلدى.