ۇقق اتىراۋدا ارنايى وپەراسيا جۇرگىزىپ، قىلمىستىق توپتى ۇستادى. بۇل تۋرالى قامشى ءتىلشىسى ۇقك باسپا ءسوز قىزمەتىنە سىلتەمە جاساپ حابارلايدى.
"2020 جىلعى 3 ماۋسىمدا ۇلتتىق قاۋىپسىزدىك كوميتەتىنىڭ اتىراۋ وبلىسى بويىنشا دەپارتامەنتى جۇرگىزگەن ارنايى وپەراسيا ناتيجەسىندە سپورتتىق ورتا مەن ىقتيمال دەسترۋكتيۆتى ءدىني اعىمداردىڭ وكىلدەرىنەن تۇراتىن ادامدار توبىنىڭ قۇقىققا قايشى ارەكەتىنىڭ جولى كەسىلدى.
قىلمىستىق توپقا قاتىسۋشىلاردىڭ ءوڭىر كاسىپكەرلەرىنەن اقشالاي قاراجاتتى قورقىتىپ الۋعا، قارىزداردى وندىرۋگە جانە دەنە جاراقاتتارىن كەلتىرۋگە قاتىسى بار" دەلىنگەن حابارلامادا.
ۇقق مالىمەتىنشە، توپتىڭ 5 بەلسەندى مۇشەسى ۇستالدى، ولاردىڭ كەيبىرەۋى ۇرىلار يدەولوگياسىن ۇستانىپ، ترانسۇلتتىق قوعامداستىقتاردىڭ كومەكشىلەرىمەن بايلانىس ۇستاعان ەكەن.
فيگۋرانتتاردى تۇرعىلىقتى جەرى بويىنشا ءتىنتۋ بارىسىندا ءۇش بىرلىك ءارتۇرلى قارۋ ءتۇرى مەن ولارعا ءوق-دارى تابىلىپ، الىنعان.
"ۇستالعان ءۇش ادام ۋاقىتشا ۇستاۋ يزولياتورىنا قامالىپ، بۇلتارتپاۋ شاراسىن تاڭداۋ جونىندە ماسەلە شەشىلۋدە. ەكەۋىنەن قورعاۋعا قۇقىعى بار كۋاگەر رەتىندە جاۋاپ الىندى. جەدەل-تەرگەۋ ءىس-شارالارى جالعاسىپ جاتىر" دەيدى ۇقك وكىلدەرى.
پىكىر قالدىرۋ