شىعىس قازاقستانداعى دەمالىس ورىندارىنىڭ يەلەرى 11 مامىردان باستاپ تۋريستەردى قابىلداۋ ءۇشىن دايىندىق جۇمىستارىن جۇرگىزەدى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا تۋريزم جانە سىرتقى بايلانىس باسقارماسى باسشىسىنىڭ ورىنباسارى مىندەتىن اتقارۋشى ينارا بودۋكوۆا ءمالىم ەتتى.
ساناتوريالىق-كۋرورتتىق جانە ەمدەۋ-ساۋىقتىرۋ ورتالىقتارىندا تۋريستەردى قابىلداۋعا 3 ماۋسىمنان باستاپ رۇقسات بەرىلدى. ال 6 ماۋسىمنان باستاپ جانە ءۇرجار اۋدانىندا 13 ماۋسىمنان باستاپ رەكرەاسيالىق باسقا دا تۋريزم تۇرلەرى بويىنشا دەمالۋعا كەلۋشىلەردى قابىلداۋعا بولادى. وسى ماقساتتا كاسىپكەرلەرگە رەسپۋبليكا جانە وبلىستىڭ باس مەملەكەتتىك سانيتارلىق دارىگەرلەرىنىڭ قاۋلى ەرەجەلەرى جەتكىزىلدى. نىسانداردىڭ جۇمىس الگوريتمدەرى، دەمالۋشىلارعا قويىلاتىن تالاپتار ءتۇسىندىرىلدى. بريفينگكە قاتىسقان ينارا بودۋكوۆا وسىلاي دەدى.
- تاماقتانۋ ورىندارىندا كەلۋشىلەردىڭ تولتىرىلۋى جانە ءبىر مەزگىلدە بولۋى جالپى جوبالىق سىيىمدىلىقتىڭ 50 پايىزىنان اسپاۋى ءتيىس. تۋريستەردىڭ ورتاسىندا 2 مەتر قاشىقتىق ساقتالۋى كەرەك، - دەدى يرينا بودۋكوۆا.
بريفينگ بارىسىندا وبلىستىڭ مەملەكەتتىك باس سانيتار دارىگەرى مارات يسمايلوۆ تۋريستەرگە مەرزىمى وتپەگەن (ناتيجەلەردى العان كۇننەن باستاپ 7 كۇننەن كەشىكتىرىلمەي بەرىلگەن) COVID-19 زەرتتەۋلەرىنەن ءوتۋ ناتيجەلەرى تۋرالى انىقتاماسى (جەدەل تەستىلەۋ، پتر زەرتتەۋ) بولعان جاعدايدا عانا دەمالۋعا رۇقسات بەرىلەتىنىن اتاپ ءوتتى. ءبىر وتباسى ءۇشىن ونىڭ ءبىر مۇشەسىنىڭ زەرتتەۋ ناتيجەسى جەتكىلىكتى.
- رەكرەاسيالىق ايماقتاردا دەمالۋشى ادامدار تۇراتىن ورىنداردا، جالپى پايدالانۋ جانە ادامدار كوپ جينالاتىن جەرلەردە ماسكالىق رەجيمدى جانە الەۋمەتتىك قاشىقتىقتى (ءبىر وتباسى مۇشەلەرىن قوسپاعاندا، كەمىندە ەكى مەتر) قاتاڭ ساقتاۋى كەرەك. تەمىرجول جانە اۋە كولىكتەرى وبەكتىلەرىندە پروفيلاكتيكالىق جانە ەپيدەمياعا قارسى ءىس-شارالارى قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرى مەن كولىكتەگى باس مەملەكەتتىك سانيتاريالىق دارىگەرىنىڭ قاۋلىلارىنا سايكەس جۇرگىزىلەدى، - دەدى مارات يسمايلوۆ.
شقو اقپارات ورتالىعى
پىكىر قالدىرۋ