اقش پەن تايۆان اسكەري كۇشتەرىنىڭ بەيسەنبىدەگى اقپاراتى بويىنشا، اقش سوعىس كەمەسى تايۆان بۇعازى ارقىلى ءجۇزىپ وتكەن. الايدا بەيجىڭ تايۆان بۇعازىن "قىتايدىڭ تەرريتورياسى" دەپ ەسەپتەيدى. بۇل تۋرالى قامشى ءتىلشىسى بريتانيالىق The Sun گازەتىنە سىلتەمە جاساپ حابارلايدى.
بەيسەنبى كۇنى "تيانانمەن وقيعاسى" دەپ اتالاتىن دەموكراتيالىق نارازىلىقتىڭ 31 جىلدىعىن ەسكە الۋ كۇنى بولعان.
– "تيانانمەن وقيعاسىن" اتاپ ءوتۋ كۇنىندە اقش سوعىس كەمەلەرىنىڭ تايۆان بۇعازىنان ءوتۋى بەيجىڭدى اشۋلاندىرۋى مۇمكىن، – دەپ جازدى بريتانيالىق باسىلىم. تايۆان قورعانىس مينيسترلىگى اسكەري كەمەلەر بۇعازدى كەسىپ وتكەنىن راستاعان.
تايۆان قارۋلى كۇشتەرى كەمەنى «ادەتتەگى ميسسيادا» دەپ سيپاتتادى.
اقش-تىڭ تىنىق مۇحيت فلوتى وزدەرىنىڭ رەسمي Facebook پاراقشاسىندا سوعىس كەمەسىنىڭ "USS Russell" كەمەسى ەكەنىن جاريالاعان.
پىكىر قالدىرۋ