شىعىس قازاقستان وبلىسىندا مەكتەپ جوق 228 اۋىلدىق ەلدىمەكەن بار. وندا 3497 مەكتەپ جاسىنداعى بالا تۇرادى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا شىعىس قازاقستانداعى ءبىلىم سالاسى ساپاسىن قامتاماسىز ەتۋ دەپارتامەنتى باسشىسىنىڭ ورىنباسارى بولات اتىباي ءمالىم ەتتى.
– بالالاردى وقىتۋمەن قامتۋ ماقساتىندا 2 804 وقۋشى تاسىمالدانادى، ال 693 وقۋشى مەكتەپ جانىنداعى ينتەرناتتاردا تۇرادى. بالالار كۇندەلىكتى تاسىمالدانادى. وسى ماقساتتا 165 مەكتەپ اۆتوبۋسى پايدالانىلادى، – دەدى بولات اتىباي.
شىعىس قازاقستانداعى ءبىلىم سالاسى ساپاسىن قامتاماسىز ەتۋ دەپارتامەنتى باسشىسى ورىنباسارىنىڭ ايتۋىنشا، بالالاردى ءقاۋىپسىز، ساپالى تاسىمالداۋ ماقساتىندا جىل سايىن اۆتوبۋس پاركى جاڭارتىلادى. ماسەلەن، 2016 جىلدان باستاپ وبلىستىق بيۋدجەتتەن 44 اۆتوبۋس ساتىپ الىندى.
– بيىل وبلىستىق بيۋدجەت ەسەبىنەن 22 اۆتوبۋس ساتىپ الۋ جوسپارلانىپ وتىر. ونىڭ ىشىندە اباي اۋدانىنا – 1، اياگوز اۋدانىنا - 2، بەسقاراعاي اۋدانىنا – 1، بورودۋليحا اۋدانىنا – 2، جارما اۋدانىنا – 1، التاي اۋدانىنا – 1، كۇرشىم اۋدانىنا – 1، كوكپەكتى اۋدانىنا – 2، ۇلان اۋدانىنا – 2، ءۇرجار اۋدانىنا – 7، شەمونايحا اۋدانىنا - 2 اۆتوبۋس بەرۋ جوسپاردا بار، – دەدى بولات اتىباي.
