سانيتارلىق-ەپيدەميولوگيالىق جاعدايدىڭ قيىنداۋىن (ناشارلاۋىن) بولدىرماۋعا جاۋاپتى قالانىڭ باس مەملەكەتتىك سانيتار دارىگەرى جانداربەك بەكشين ءالى دە جالعاسىپ كەلە جاتقان كوروناۆيرۋس پاندەمياسىنىڭ جاعدايىندا سوڭعى كەزدەرى الەۋمەتتىك جەلىلەردە تارالىپ جۇرگەن كوپشىلىك شارالار مەن ميتينگتەرگە شاقىرۋعا جول بەرمەۋ كەرەكتىگىن اتاپ ءوتتى.
“ءالى دە جالعاسىپ كەلە جاتقان ەپيدەميا جاعدايىندا قالادا ادامداردىڭ ءومىرى مەن دەنساۋلىعىنا ءقاۋىپ ءتوندىرۋ ۇلكەن جاۋاپسىزدىق بولماق”، - دەپ اتاپ ءوتتى ج.بەكشين.
الەمدىك تاجىريبە كورسەتىپ وتىرعانداي، ادامداردىڭ تىعىز ورنالاسۋى مەن ازاماتتاردىڭ جاقىن بايلانىس جاساۋى ولاردىڭ اۋرۋدى جاپپاي جۇقتىرۋلارىنا اكەلىپ وتىر. كوپتەگەن قالالار مەن ەلدەردە وسىنداي جاعداي ورىن العان.
“ميتينگتەر مەن كوپشىلىك جيىندار ادامداردىڭ اۋرۋدى كەڭ كولەمدە جۇقتىرۋىنا اكەلەدى. ەگەر وسىنداي جيىندار جۇقتىرۋعا اكەلىپ سوعاتىن بولسا، ميتينگ ۇيىمداستىرۋشىلار زاڭ الدىندا جاۋاپ بەرەدى، ءتىپتى قىلمىستىق جاۋاپكەرشىلىككە تارتىلۋى مۇمكىن”، - دەدى ج.بەكشين.
پىكىر قالدىرۋ