الماتى وبلىسى پوليسيا دەپارتامەنتىنىڭ باسپا ءسوز قىزمەتى كۇشىكتى قاتىگەزدىكپەن ءولتىرىپ، ونى ۆيدەوعا تۇسىرگەن ازاماتتار ۇستالعانىن حابارلادى.
ۇستالعان ازاماتتار الماتى وبلىسى الاكول اۋدانى قابانباي اۋىلىنىڭ 2004 جانە 2005 جىلعى تۇرعىندارى.
ولار كىناسىن تولىق مويىندادى. بۇل ارەكەتكە قىزىق ءۇشىن بارعان.
بۇگىندە اتالعان دەرەك بويىنشا قىلمىستىق كودەكستىڭ 316-بابى 2-بولىمىنە (جانۋارلارعا قاتىگەزدىك تانىتۋ) سايكەس سوتقا دەيىنگى تەرگەۋ باستالدى.
زاڭ بويىنشا جانۋارلارعا قاتىگەزدىك تانىتقاندارعا 555 مىڭ 600 تەڭگە ايىپپۇل سالۋ نەمەسە 50 تاۋلىككە قاماۋ جازاسى كوزدەلگەن.
كۇشىكتى ازاپتاپ ءولتىرۋ دەرەگىنىڭ ۆيدەوسى جانۋارلاردى قورعاۋ بىرلەستىگىنىڭ instagram پاراقشاسىندا جاريالانعان.
پىكىر قالدىرۋ