بۇگىن الماتى قالاسىنىڭ باس مەملەكەتتىك سانيتار دارىگەرى جانداربەك بەكشين مەگوپوليستە كوروناۆيرۋس ينفەكسياسىنىڭ تىركەلۋ وقيعالارى ءالى دە جالعاسىپ جاتقانىن ايتتى.
وتكەن تاۋلىك ىشىندە ايقىن بەلگىلەرى بار 49 وقيعا، ال ءبىر اپتا ىشىندە – 334 وقيعا انىقتالدى.
– بۇقارالىق شارالارعا، ميتينگتەرگە قاتىسۋشىلار كوروناۆيرۋس جۇقتىرۋدىڭ ەپيدەميالىق تىزبەگىن قۇرايدى. وسىنىڭ سالدارىنان ىندەت ءسىزدىڭ ۇيىڭىزگە، وتباسىڭىزعا تارايدى، ەڭ الدىمەن بالالارعا جانە قارت ادامدارعا ءقاۋىپ توندىرەدى. مىنە، سوندىقتان مەن بۇرىندارى الماتى قالاسىنىڭ اۋماعىندا ءتۇرلى بۇقارالارىق شارالاردى وتكىزۋگە تىيىم سالۋ جونىندە قاۋلى قابىلداعان ەدىم، – اتاپ ءوتتى ج. بەكشين.
قالانىڭ باس سانيتارلىق دارىگەرى بارلىق قالالىقتارعا، اسىرەسە ءالسىز قارت ازاماتتارعا جانە سوزىلمالى اۋرۋلارى بار تۇرعىندارعا ادامدار جاپپاي جينالاتىن جەرلەردەن اۋلاق بولۋدى ۇسىنادى.
پىكىر قالدىرۋ