″قازاۆتوجول″ ″ۇك″اق مو فيليالىنىڭ قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋ جۇرگىزىلدى.
بۇل تۋرالى مو قوعامدىق كوممۋنيكاسيا قىزمەتىنىڭ باسپا ءسوز ورتالىعىندا وتكەن بريفينگتە ق ر سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى سەرىك قانىبەكوۆ حابارلادى.
جۇرگىزىلگەن تالداۋ بارىسىندا "قازاۆتوجول" "ۇك"اق مو فيليال ديرەكتورى مەن ونىڭ ورىنباسارلارى سىبايلاس جەمقورلىققا قارسى شەكتەۋلەر قابىلداماعانى انىقتالعان. "سىبايلاس جەمقورلىققا ءقارسىىس-قيمىل تۋرالى" ق ر زاڭىنىڭ 12-بابى 1-تارماعىنا سايكەس ءوز وكىلەتتىكتەرىن جەكە، توپتىق جانە وزگە دە قىزمەتتىك ەمەس مۇددەلەرگە پايدالانۋعا اكەپ سوعۋى مۇمكىن ىس-ارەكەتتەردى جاساۋعا جول بەرمەۋ ماقساتىندا جوعارىدا اتالعان باسشىلار وزىنە ءبىرقاتار سىبايلاس جەمقورلىققا قارسى شەكتەۋلەردى قابىلدايدى.
«اتالعان فاكت بويىنشا ءبىز مىناداي ۇسىنىس ەنگىزدىك – زاڭنىڭ 12-بابىنىڭ تالاپتارىن مۇلتىكسىز ورىنداۋ ءۇشىن فيليال ديرەكتورىنا ءوزى جانە ءوز ورىنباسارلارىنىڭ سىبايلاس جەمقورلىققا قارسى شەكتەۋلەردى قابىلداۋىن قامتاماسىز ەتۋ»،-دەدى سەرىك قانىبەكوۆ.
سونداي-اق، فيليال قىزمەتكەرلەرىن جۇمىسقا قابىلداۋ كەزىندە بىلىكتىلىكتالاپتارىنىڭ بۇزىلعاندىعى انىقتالدى. بىلىكتىلىكتالاپتارىناسايكەس (فيليال ديرەكتورىنىڭ13.06.2014 ج. №36بۇيرىعىمەن بەكىتىلگەن)، ساپانى باقىلاۋ جانە جۇمىستاردى قابىلداۋ ءبولىمىنىڭ باس مامانى لاۋازىمىنا ارنايى ورتا نەمەسە جوعارى ءبىلىمى بار، وسى نەمەسە ۇقساس لاۋازىمدا كەمىندە 3 جىل جۇمىس ءوتىلى بار تۇلعا تاعايىندالادى. الايدا، 2016 جىلى جوو- اياقتاپ كەلگەن ەڭبەك ءوتىلى جوق تۇلعانى جۇمىسقا قابىلداعان. ياعني ساپانى باقىلاۋ جانە جۇمىستاردى قابىلداۋ ءبولىمىنىڭ باس مامانى لاۋازىمىنا مولداشيەۆا زليحا رزاگالييەۆنا تاعايىندالدى (فيليال ديرەكتورىنىڭ 10.06.2016 ج. №10 بۇيرىعى).
بەلگىلەنگەن بىلىكتىلىك تالاپتارىن بۇزۋ لاۋازىمعا قابىلداۋ جانە تاعايىنداۋ كەزىندە سىبايلاس جەمقورلىق تاۋەكەلدەرىنىڭ بارىن كورسەتەدى. "قازاۆتوجول" "ۇك"اق مو فيليال ديرەكتورىنا تۇلعالاردى جۇمىسقا قابىلداۋ جانە ولاردى قىزمەتكە تاعايىنداۋ كەزىندە بىلىكتىلىك تالاپتارىنىڭ مۇلتىكسىز ساقتالۋىن قامتاماسىز ەتۋ بويىنشا ۇسىنىس ەنگىزىلدى.
سونىمەن قاتار، مەملەكەتتىك قىزمەت كورسەتۋدەن زاڭسىز باس تارتۋ فاكتىلەرى انىقتالدى. ياعني ستاندارتتىڭ تىزىمىندە كورسەتىلگەن قۇجاتتاردى ۇسىنباۋمەن بايلانىسادى.
"TengeOil I Gaz" ج ش س كومپانياسىنا "جەتىباي – جاڭاوزەن – كەندىرلى – تۇركىمەنستان شەكاراسى" (13.08.2019 ج. №28-01/28-02 -918 جانە 01.08.2019 ج. №28-01/28-02-850 باس تارتۋلار) اۆتوموبيل جولىمەن قيىلىسۋدى جوبالاۋ ءۇشىن تەحنيكالىق شارتتاردى بەرۋدەن ەكى رەت باس تارتىلدى. بۇل باس تارتۋلار ستاندارتتا كوزدەلگەن اۆتوموبيل جولىمەن قيىلىسۋ ورنى سحەماسىنىڭ بولماۋىمەن دالەلدەنگەن. الايدا، كورسەتىلگەن سحەما وسى قىزمەتتى كورسەتۋ ءۇشىن قاجەتتى قۇجاتتار تىزبەسىنە كىرمەيدى جانە ستاندارتتا كوزدەلمەگەن.
ەگەر "رەسپۋبليكالىق ماڭىزى بار اۆتوموبيل جولدارىنىڭ ارنالارمەن، بايلانىس جانە ەلەكتر بەرۋ جەلىلەرىمەن جانە باسقا دا ينجەنەرلىك جەلىلەرمەن قيىلىسۋىنا رۇقسات بەرۋ" سياقتى مەملەكەتتىك قىزمەت ءتۇرىن كورسەتۋ ءۇشىن اۆتوموبيل جولىمەن قيىلىساتىن جەردىڭ سحەماسىن مىندەتتى تۇردە ۇسىنۋ قاجەت بولسا، وندا جوعارى تۇرعان ورگاننىڭ الدىندا مەملەكەتتىك قىزمەت ستاندارتىنا ءتيىستى تۇزەتۋلەر ەنگىزۋ تۋرالى ۇسىنىسقا باستاماشىلىق جاساۋ قاجەت.