سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان تۇلعا مەملەكەت قورعاۋىندا بولادى. 

بۇل تۋرالى مو قوعامدىق كوممۋنيكاسيا قىزمەتىنىڭ باسپا ءسوز ورتالىعىندا وتكەن بريفينگتە ق ر سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى سەرىك قانىبەكوۆ حابارلادى.

ەگەر ءسىز مەملەكەتتىك قىزمەتشىلەر تاراپىنان سىبايلاس جەمقورلىق كورىنىستەرىنە تاپ بولساڭىز نەمەسە زاڭسىز سىبايلاس جەمقورلىق بۇزۋشىلىقتارىنىڭ ەرىكسىز كۋاگەرى بولساڭىز، سىبايلاس جەمقورلىققا قارسى قىزمەتتىڭ ءبىرىڭعاي سall-ورتالىعى ارقىلى تەگىن 1424 ءنومىرى بويىنشا حابارلاي الاسىز.

1424 Call-ورتالىق ارقىلى جۇگىنۋ 24/7 قاعيداسى بويىنشا قىزمەت كورسەتەدى.
1424 ساll-ورتالىعى ازاماتتارعا كەلەسى ماسەلەلەر بويىنشا كەڭەس بەرەدى:
- سىبايلاس جەمقورلىققا قارسى ءىس-قيمىل؛
- سىبايلاس جەمقورلىققا قارسى قىزمەتكە جۇمىسقا ورنالاسۋ؛
- سىبايلاس جەمقورلىققا قارسى قىزمەت وندىرىسىندەگى وتىنىشتەر مەن حابارلامالاردى قاراۋ بارىسى تۋرالى؛
- سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسەتىن تۇلعالاردى كوتەرمەلەۋ؛
- سىبايلاس جەمقورلىققا قارسى قىزمەتتىڭ قۇزىرەتىنە كىرەتىن وزگە دە ماسەلەلەر.
- حابارلامالاردى قابىلداۋ: سىبايلاس جەمقورلىق فاكتىلەرى تۋرالى، ونىڭ ىشىندە جاسالعان نەمەسە دايىندالىپ جاتقان سىبايلاس جەمقورلىق قۇقىق بۇزۋشىلىقتار تۋرالى.
- سىبايلاس جەمقورلىققا قارسى قىزمەت قىزمەتكەرلەرىنىڭ زاڭسىز ارەكەتتەرى (ارەكەتسىزدىكتەرى) تۋرالى؛
- كاسىپكەرلىك قىزمەتكە كەدەرگى جاساۋ ماسەلەلەرىنە قاتىستى؛
- سىبايلاس جەمقورلىققا قارسى قىزمەت ىزدەۋدەگى ادامدار تۋرالى مالىمەتتەر؛
- سىبايلاس جەمقورلىققا قارسى قىزمەتتىڭ ارەكەتىنە قاتىستى (پىكىرلەر، ۇسىنىستار).
سىبايلاس جەمقورلىق قۇقىق بۇزۋشىلىق فاكتىلەرى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگە دە جولمەن جاردەمدەسەتىن ادامداردى كوتەرمەلەۋ سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىبايلاس جەمقورلىققا قارسى ءىس-قيمىلعا وزگەشە تۇردە جاردەم كورسەتەتىن ادام مەملەكەت قورعاۋىندا بولادى جانە قازاقستان رەسپۋبليكاسىنىڭ ۇكىمەتى بەلگىلەگەن تارتىپپەن كوتەرمەلەنەدى.
ءبىرجولعى اقشالاي سىياقى تۇرىندەگى كوتەرمەلەۋ مىناداي مولشەردە بەلگىلەنەدى:
ەگەر پارا نەمەسە زالال مولشەرى 1000 اەك (2 ملن 778 مىڭ تەڭگەدەن)اسپاسا:
- سىبايلاس جەمقورلىق قۇقىق بۇزۋشىلىقتار تۋرالى اكىمشىلىك ىستەر بويىنشا – 83 340 تەڭگە (30 اەك)؛
- سىبايلاس جەمقورلىق قىلمىستار تۋرالى قىلمىستىق ىستەر بويىنشا – 111 120 تەڭگە (40 اەك)؛
- سىبايلاس جەمقورلىق قىلمىستارى بويىنشا ورتاشا اۋىرلىقتاعى قىلمىستىق ىستەر بويىنشا – 138 900 تەڭگە (50 اەك)؛
- اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا – 194 460 تەڭگە (70 اەك)؛
- اسا اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا – 277 800 (100 اەك).
پارا نەمەسە زالال كولەمى 1000 اەك (2 ملن 778 مىڭ تەڭگەدەن) جوعارى بولسا، وندا سىياقى مولشەرى پارانىڭ 10% قۇرايدى، ءبىراق 4000 اەك (11 ملن 100 مىڭ تەڭگە) جوعارى ەمەس.
جوعارىدا اتالىپ وتكەندەي، ماڭعىستاۋ وبلىسى بويىنشا ءبىرجولعى اقشالاي سىياقى العاندار سانى:
2018 جىلى– 6 ادام، 914 000 تەڭگە كولەمىن قۇراسا،
2019 جىلى – 13 ادام، 2 500 000 تەڭگە كولەمىن قۇرادى.
2020 جىلدىڭ ءبىرىنشى توقسانى بويىنشا سىياقى العان تۇلعالار بولماعان.
سونىمەن قاتار 2019 جىلدىڭ ەڭ جوعارعى سىياقى مولشەرى -176 750 تەڭگە (70 اەك)، ەڭ تومەنگى – 101 000 تەڭگەنى (40 اەك) قۇرادى.