بيىل ماڭعىستاۋدا 5448 تۇلەك ۇبت تاپسىرادى.
بۇل تۋرالى قوعامدىق كوممۋنيكاسيا ورتالىعىندا ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيدالييەۆتىڭ قاتىسۋىمەن وتكەن بريفينگتە ءمالىم بولدى
ۇلتتىق ءبىرىڭعاي تەستىلەۋ ادەتتەگىدەي رەسپۋبليكا بويىنشا 20 ماۋسىمنان باستالادى. بيىلعى وقۋ جىلىندا 6365 وقۋشى مەكتەپ بىتىرەدى (2019 جىلى-5590). ونىڭ ىشىندە 5931ء-ى كۇندىزگى مەكتەپتىڭ، 434ء-ى كەشكى مەكتەپتىڭ تۇلەكتەرى. ۇبت عا 5736 وقۋشى قاتىسادى (ونىڭ ىشىندە بيىلعى ءبىتىرۋشى تۇلەكتەردىڭ 5448ء-ى (85،6%)، بۇرىن مەكتەپ بىتىرگەن 246 تۇلەك پەن كوللەدجدەردىڭ 42 تۇلەگى). ۇبت سۇراقتارى 2019-2020 وقۋ جىلىنىڭ 3 توقسانى مەن ونىڭ الدىڭعى وتكەن ماتەريالداردان قۇرىلاتىن بولادى.
ءوڭىر بويىنشا 4 ۇبت وتكىزۋ پۋنكتى بار. ولار اقتاۋ، جاڭاوزەن قالاسى مەن بەينەۋ، قاراقيا اۋداندارىندا ورنالاسقان. ءبىلىم باسقارماسى تاراپىنان ءۇبتوپ تەردى باقىلاۋ كوميسسسيالارى قۇرىلدى. ۇبت ناتيجەلەرىنىڭ اشىقتىعىن قامتاماسىز ەتۋ باعىتىندا بارلىق اۋديتوريالار سالقىنداتقىشتار، ورتالىق ترانسلياسياعا قوسىلاتىن بەينەباقىلاۋ جۇيەلەرى، ۇيالى بايلانىستى تۇنشىقتىرعىش قۇرىلعىلار جانە مەتالل ىزدەگىشتەرمەن تولىق قامتاماسىز ەتىلەدى. شالعاي اۋىلداردا تۇراتىن 966 بالاعا مەكتەپ اۆتوبۋستارىمەن تاسىمال ۇيىمداستىرىلادى (ماڭعىستاۋ -270، قاراقيا – 164، مۇنايلى -562)، اۆتوبۋستاردىڭ تەحنيكالىق جاعدايلارى مەن جۇرگىزۋشىلەردىڭ دەنساۋلىق جاعدايلارى قۇزىرلى ورگانداردىڭ تاراپىنان تەكسەرۋدەن وتەدى.
بيىلعى سانيتارلىق تالاپتارعا سايكەس ورىندار اراسىنداعى 2،5-3 مەتر ارا قاشىقتىقتى ساقتاۋ ءۇشىن بۇرىنعى بەكىتىلگەن ءۇبتوپ تەرگە لەكتەر سانىن ارتتىرا وتىرىپ ءبولىپ كىرگىزىپ، 54 اۋديتوريادا 50% تولىمدىلىقپەن وتىرعىزاتىن بولادى.
وتىرعىزۋ ءتارتىبى وبلىستىڭ باس سانيتارلىق دارىگەرىمەن كەلىسىلگەن. بيىلعى ۇبت ۋاقىتى 10 مينۋتقا ۇزارتىلعان، ول ۋاقىت ماسكالار اۋىستىرۋ، دەزينفەكسيالاۋ جانە دەنە قىزۋىن ولشەۋگە ارنالادى.
ۇلتتىق ءبىرىڭعاي تەستىلەۋ پۋنكتتەرىنە قاتىسۋشىلار ءبولىپ، ارنايى تەكسەرۋدەن وتكىزىلىپ، كىرگىزىلەدى. ول ءۇشىن قاتىسۋشىلار لەنتالارمەن بولىنگەن ارنايى بەكىتىلگەن ورىنداردا تۇرادى. بۇدان باسقا ءاربىر ۇبت وتكىزۋ پۋنكتتەرى دەزينفەكسيالىق توننەلدەرمەن جابدىقتالادى، دەزينفەكسيالىق توسەمشەلەر توسەلەدى، سانيتايزەرلەر، ماسكالارمەن جابدىقتالادى. كىرەبەرىستە ۇيدەن كيىپ كەلگەن ماسكالار اۋىستىرىلادى. بيىل شوعىرلانۋدىڭ الدىن-الۋ ءۇشىن اتا-انالاردىڭ ءۇبتوپ تەرگە كەلۋىنە تىيىم سالىنادى. ۇبت بارىسىن ونلاين ترانسلياسيامەن ۇيدەن قاداعالاۋ قاجەت. ونلاين ترانسلياسيا بارلىق اۋديتوريالاردان youtube كانالى ارقىلى تىكەلەي ترانسلياسيا تارتىبىندە جۇرەدى. سونىمەن قاتار، ۇبت وتەتىن ۋاقىتتاردا جەدەل جاردەم قىزمەتى، باسقا دا ءتيىستى قاۋىپسىزدىك شارالارى قامتاماسىز ەتىلەدى.