ماڭعىستاۋعا قاجەتتى ماماندىقتارعا بيىل وبلىس اكىمىنىڭ 175 گرانتى بولىنەدى.
بۇل تۋرالى قوعامدىق كوممۋنيكاسيا ورتالىعىندا وتكەن بريفينگتە ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيدەلييەۆ ءمالىم ەتتى.
جىلداعى ءداستۇر بويىنشا ماۋسىم ايىندا وتەتىن ۇبت قورىتىندىسىمەن مەملەكەتتىك گرانتتار بولىنەتىن بولادى. مينيسترلىك تاراپىنان بيىلعى مەملەكەتتىك گرانت كولەمى 69 256 ورىنعا بەكىتىلدى. ونىڭ ىشىندە باكالاۆرياتقا - 53 785 گرانت، ماگيستراتۋراعا - 13159 گرانت، PhD دوكتورانتۋراعا - 2312 گرانت.
اقتاۋ قالاسىنداعى ەسەنوۆ ۋنيۆەرسيتەتىنىڭ 32 ش/ا ورنالاسقان باس عيماراتىندا 13-20 شىلدە كۇندەرى قابىلدانادى. 21 شىلدە مەن 1 تامىز ارالىعىنىدا قۇجاتتار قارالىپ، ناتيجەسى 1 تامىزدان كەيىن انىقتالادى.
-بۇدان باسقا جىل سايىن وڭىرگە قاجەتتى ماماندىقتارعا، ءبىرىنشى كەزەكتە، مەديسينا، پەداگوگيكا، IT، قۇرىلىس، ماشينا جاساۋ، ۆەتەريناريا جانە اۋىلشارۋاشىلىعى سالاسى ماماندارىنا جەرگىلىكتى بيۋدجەتتەن قارجىلاندىرىلاتىن گرانت كولەمى بەكىتىلدى. بيىل دا شامامەن 175 گرانت ءبولۋدى جوسپارلاپ وتىرمىز – دەدى، ماڭعىستاۋ وبلىستىق ءبىلىم باسقارماسىنىڭ باسشىسى اسقار سەيدالييەۆ.
اتالعان كونكۋرس مەملەكەتتىك گرانت كونكۋرسى وتكەننەن كەيىن شىلدە – تامىز ايلارىندا ءوڭىردىڭ ۇكىمەتتىك ەمەس ۇيىمدار، قوعامدىق ۇيىمدار، مەملەكەتتىك ورگاندار وكىلدەرنەن قۇرالعان وبلىس اكىمىنىڭ ورىنباسارىنىڭ توراعالىعىمەن قارالادى. جەرگىلىكتى باسقارمالار مەن كاسىپورىندارعا قاجەتتى ماماندىقتاردى ناقتىلاپ سول ماماندىقتى تاڭداعان تۇلەكتەر اراسىندا ۇيىمداستىرىلاتىن بولادى.
سونىمەن قاتار 2020-2021 وقۋ جىلىنا مەملەكەتتىك ءبىلىم بەرۋ تاپسىرىسى تەحنيكالىق جانە كاسىپتىك ءبىلىم بەرۋ ۇيىمدارىنا 4004 ورىنعا قالىپتاستىرىلدى.
2014 جىلدان باستاپ «ماڭگىلىك ەل جاستارى – يندۋسترياعا!» -سەرپىن-2050» باعدارلاماسى ىسكە اسىرىلۋدا. اتالعان جوبا الماتى، جامبىل، قىزىلوردا، وڭتۇستىك قازاقستان جانە ماڭعىستاۋ وبلىستارىندا ىسكە اسىرىلادى.
سەرپىن گرانتىنا ۇبت مەن كەشەندى تەستىلەۋدەن كەم دەگەندە 50 باللدان كەم ەمەس جانە تاڭداۋ ءپانىنىڭ ۇپايى كەم دەگەندە 7 باللدان تومەن بولماعان تۇلەكتەردىڭ قاتىسۋعا مۇمكىندىگى بار.