ق ر ۇقك-نىڭ پاۆلودار وبلىسى بويىنشا دەپارتامەنتى جەدەل-ىزدەستىرۋ شارالارى بارىسىندا "گيدروپونيكا" ءادىسىن قولدانىپ ەسىرتكى وسىمدىكتەرىن زاڭسىز وسىرۋمەن اينالىسقان پاۆلودارلىقتى ۇستادى.
"2020 جىلدىڭ 25 مامىرىندا جالعا الىنعان گاراجدا ءتيىستى قۇرال-جابدىقتارمەن جابدىقتالعان ەسىرتكى زەرتحاناسىندا قولدان وسىرىلگەن "گوللاند" جانە "مەكسيكا" سورتتارىنىڭ 28 ەليتالىق قاراسورا ءتۇبى تابىلدى (نارىقتىق قۇنى شامامەن 14 ملن تەڭگە)، سونداي-اق ساتۋعا دايىندالعان دارىلىك زاتتار دا شىقتى" دەيدى ۆەدومستۆوداعىلار.
اتالعان فاكتى ق ر قىلمىستىق كودەكسىنىڭ 277-بابىنىڭ 3-بولىگى، ياعني "ەسىرتكى ، پسيحوتروپتىق زاتتاردى، ولاردىڭ بالاماسىن ساتۋ نەمەسە وتكىزۋ ماقساتىندا زاڭسىز دايىنداۋ، وڭدەۋ، يەمدەنۋ، ساقتاۋ، تاسىمالداۋ" بويىنشا سوتقا دەيىنگى ءبىرىڭعاي تىزىلىمگە تىركەلدى.
تاركىلەنگەن زاتتار بويىنشا سوت-حيميالىق ساراپتاما تاعايىندالدى. سوتقا دەيىنگى تەرگەۋ جالعاسۋدا.
پىكىر قالدىرۋ