الماتى وبلىسىنىڭ №4 بلوكبەكەتىندە جول-كولىك وقيعاسىنان زارداپ شەككەن ءۇشىنشى پوليسيا قىزمەتكەرى ەربۇلان سەيدازىم ەسىن جيدى. بۇل تۋرالى الماتى قالالىق دەنساۋلىق ساقتاۋ باسقارماسى حابارلادى.

– ناۋقاستىڭ جاعدايى جاقساردى. ەسىن جيدى، سۇراقتارعا جاۋاپ بەرە الادى. قايدا جانە ۋاقىتتىڭ قانشا ەكەنىن بىلەدى. ءبىراق باسى ءالى دە اۋىرادى. بولمەدە ءوز بەتىنشە قيمىلداپ، جۇرە الادى" دەلىنگەن باسقارما ءباسپاسوزى تاراتقان حابارلامادا.

ەسكە سالا كەتەيىك، 25 مامىر كۇنى تاڭعا جۋىق № 4 بلوكبەكەتتە BMW جۇرگىزۋشىسى ماس كۇيىندە بەتون قورشاۋعا سوعىلىپ بارىپ، ينەرسيامەن پاترۋلدىك پوليسيا كولىگىن سوققان. كولىك ىشىندە ەكى پوليسيا قىزمەتكەرى داستان ءابدىقانوۆ پەن جاراس جانعازييەۆ بولعان، ولاردىڭ ءبىرى وقيعا ورنىندا قايتىس بولىپ، ال ەكىنشىسى ەسىن جيماستان اۋرۋحانادا قايتىس بولدى. قايعىلى وقيعا بولعان كۇنى 26 جاستاعى ەربۇلان سەيدازىم باقىلاۋ-وتكىزۋ پۋنكتىندە كەزەكشىلىكتە بولىپ، باسىنان اۋىر جاراقات العان بولاتىن.