ساياسي كەڭەس بيۋروسىنىڭ شەشىمىمەن پارتيا كۋراتورلارىنىڭ قۇرامى جاڭارتىلدى، دەپ حابارلادى «Nur Otan» پارتياسى ورتالىق اپپاراتىنىڭ باسپا ءسوز قىزمەتى.

«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك اتاپ وتكەندەي، ەلباسىنىڭ باستاماسىمەن پارتيانىڭ «قايتا جاندانۋى» اياسىندا پارتيالىق كۋراتورلار اراسىندا ءۇش جىلدا ءبىر رەت جوسپارلى روتاسيا جۇرگىزۋ تۋرالى شەشىم قابىلدانعان بولاتىن.

وسىعان وراي بەيبىت مامرايەۆ پارتيا جەلىسىندە ءبىلىم بەرۋ سالاسىنىڭ كۋراتورى بولدى. جۇمىسپەن قامتۋ جانە حالىقتىڭ الەۋمەتتىك وسال سەكتورلارىن قولداۋ سەكتورىن ارتۋر پلاتونوۆ قاداعالايتىن بولادى. ال اگرارلىق سەكتورگە – بەرىك وسپانوۆ. پارتيانىڭ جەتەكشىلىگى ارقىلى جاستاردى قولداۋ ماسەلەلەرىمەن گەنناديي شيپوۆسكيي اينالىسادى.

«بارلىق ۇمىتكەرلەر - ءبىزدىڭ فراكسيانىڭ ماجىلىستەگى جۇمىس تاجىريبەسى مول دەپۋتاتتارى. مەن اسىرەسە وسى باعىتتا ءۇش جىلدان استام جەمىستى ەڭبەك ەتكەن كۋراتورلارعا العىسىمدى بىلدىرەمىن. ءابدىماناپ بەكتۇرعانوۆ «ءمۇعالىم مارتەبەسى تۋرالى» زاڭ جوباسىن قاراعان جۇمىس توبىن باسقاردى. جەكسەنباي دۇيسەبايەۆ ەلىمىزدىڭ اۋىل شارۋاشىلىعى ءۇشىن ماڭىزدى «جايىلىمدار تۋرالى» زاڭ جوباسىن ۇسىنىپ، ونى باسقارادى. ايگۇل نۇركينا - انا مەن بالانى قورعاۋ، ينكليۋزيۆتى ءبىلىم بەرۋ جانە تۇرمىستىق زورلىق-زومبىلىقپەن كۇرەسۋ تۋرالى زاڭ جوبالارىنىڭ باستاماشىسى. ءوزى كۋراتورلىق ەتكەن قىسقا مەرزىمگە قاراماستان، جۇلدىز وماربەكوۆا ازاماتتىق ءىس جۇرگىزۋ كودەكسىنە وزگەرىستەر ەنگىزۋگە قاتىستى»، - دەدى باۋىرجان بايبەك.

وتىرىس بارىسىندا «Nur Otan» پارتياسى ءتوراعاسىنىڭ ءبىرىنشى ورىنباسارى پارتيالىق قۇرىلىمداردىڭ فورماتى مەن جۇمىس ادىستەرىن وزگەرتۋ قاجەتتىلىگىنە نازار اۋداردى.

ونىڭ ايتۋىنشا، سايلاۋشىلارمەن نەعۇرلىم بەلسەندى جۇمىس جاساپ، رەزونانس تۋدىرعان ماسەلەلەرگە شۇعىل ءمان بەرىپ، ۋاكىلەتتى ورگانداردى تارتا وتىرىپ شەشىم قابىلداۋ كەرەك. بۇل فورماتتا جاڭارتىلعان پارتيالىق باقىلاۋ كوميتەتى، سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەس، وتباسىن قولداۋ، ايەلدەر مەن بالالار قۇقىعىن قورعاۋ جونىندەگى كەڭەس جۇمىس ىستەيدى.

«پارتيا ليدەرى نۇرسۇلتان نازاربايەۆتىڭ «Nur Otan»-دى قايتا جانداندىرۋ تۋرالى تاپسىرمالارىن ورىنداۋ اياسىندا بۇگىنگى تاڭدا ءبىزدىڭ قوعامدىق كەڭەستەرىمىزدىڭ جۇمىسى كۇشەيتىلدى. بيىلعى جىلدىڭ ءبىرىنشى توقسانىندا سىبايلاس جەمقورلىققا قارسى ءىس-قيمىل جونىندەگى رەسپۋبليكالىق قوعامدىق كەڭەس جانە پارتيالىق باقىلاۋ كوميتەتى مەملەكەتتىك باعدارلامالار قاتارىندا «بەس الەۋمەتتىك باستاما» جوباسىنىڭ ىسكە اسۋىن، سونداي-اق سىبايلاس جەمقورلىققا قارسى ءىس-قيمىلداردى قوسقاندا شامامەن 2،5 مىڭ ماسەلەنى قارادى. جالپى، پارتيالىق كۋراتورلاردىڭ جۇمىسى بارىنشا اشىق بولۋى كەرەك. اركىمنىڭ الەۋمەتتىك جەلىلەردە ءوز اككاۋنتى بولۋى كەرەك، ءوز جۇمىسىن ۇنەمى جاريالاپ، ادامداردىڭ سۇراقتارىنا جاۋاپ بەرۋى كەرەك»، - دەپ اتاپ ءوتتى باۋىرجان بايبەك.