ۇلتتىق ءبىرىڭعاي تەستىلەۋدى 20 ماۋسىم مەن 05 شىلدە ارالىعىندا وتكىزۋ جوسپارلانىپ وتىر. ۇبت تاپسىرۋ ءراسىمى وزگەرتىلمەيدى. بۇل تۋرالى شىعىس قازاقستان اقپاراتتىق ورتالىعىندا وتكەن بريفينگ بارىسىندا شقو-داعى ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى زەينەپ ماحسۋتوۆ ءمالىم ەتتى.
دەپارتامەنت باسشىسىنىڭ ايتۋىنشا، كوروناۆيرۋس پاندەمياسى سالدارىنان ۇبت تاپسىرۋ ءۇشىن قۇجاتتار ءداستۇرلى نىسانمەن قاتار ونلاين تارتىبىمەن قابىلدانعان، بۇل تاجىريبە وتكەن جىلى دا جۇزەگە اسىرىلعان ەكەن.
- بيىلعى جىلى 131 مىڭ ءوتىنىش بەرىلدى. 2019-2020 وقۋ جىلىنىڭ سوڭىندا وبلىس مەكتەپتەرىندە 8 204 تۇلەك بار، ونىڭ 84،4% (6 921 تۇلەك) ۇبت تاپسىرۋعا نيەت ءبىلدىردى. ەرەجە بويىنشا باعالاۋ وزگەرمەگەن، مىندەتتى جانە بەيىندى پاندەر بويىنشا جۇرگىزىلەدى. جوو قابىلداۋ راسىمىنە جاڭاشىلدىقتار ەنگىزىلدى. سوعان سايكەس وقۋعا ءتۇسۋشى شەكتىك ۇپاي الا الماسا، ءبىرىنشى سەسسيا اياقتالعان ۋاقىت ارالىعىنا دەيىن اقىلى بولىمگە وقۋعا تاپسىرۋعا قۇقىلى. بۇدان ءارى، ستۋدەنت جىل ارالىعىندا تەست تاپسىرۋعا مۇمكىندىك الادى. سونداي-اق ۇبت ناتيجەسى بويىنشا سەرتيفيكاتتار قاعاز تۇرىندە ەمەس، ەلەكتروندى نۇسقادا بەرىلەدى، - دەدى زەينەپ ماحسۋتوۆا.
بريفينگ بارىسىندا دەپارتامەنت باسشىسى تەستىلەۋگە كىرگىزۋ بارىسىندا تىيىم سالىنعان زاتپەن انىقتالعان جانە ءوز ورنىنا «بوتەن تۇلعانى» كىرگىزۋگە تالپىنعان تۇلەك سول تەستىلەۋگە جىبەرىلمەيتىنىن جانە اعىمداعى جىلى ۇبت تاپسىرا المايتىنىن اتاپ ءوتتى.
- ۇبت اياقتالعاننان كەيىن كۇنتىزبەلىك جىلدىڭ 25 تامىزىنا دەيىن بەينەباقىلاۋ جازبالارى تالدانادى، ءتۇسۋشىنىڭ تىيىم سالىنعان زاتتاردى پايدالانعانى انىقتالعان جاعدايدا ونىڭ ۇبت مەن ءبىلىم بەرۋ گرانتىن تاعايىنداۋ كونكۋرسىنىڭ ناتيجەلەرى جويىلادى، - دەدى زەينەپ ماحسۋتوۆا.
اعىمداعى جىلى شەكتەۋ شارالارىنىڭ كۇشەيتىلۋىنە بايلانىستى اتا-انالار، پەداگوگتەر، بوگدە ادامدار ءۇبتوپ عيماراتتارى ايماعىنا جىبەرىلمەيدى. ۇبت قاتىسۋشىلار اراسىندا، بالانىڭ قوزعالىس جولىندا، اۋديتوريالاردا سارى جولاقتى بوگەتتەرمەن بەلگىلەنگەن 2 مەتر قاشىقتىق ساقتالادى. سانيتارلىق شارالار كۇشەيتىلىپ، تالاپكەرلەر 5 ءتۇرلى زالالسىزداندىرۋدان وتەدى. دەپارتامەنت باسشىسى وسىلاي دەيدى.
- وسىنداي ۇلگىدەگى زارارسىزداندىرۋ تالاپتارىنان ق ر بعم وكىلدەرى، مەملەكەتتىك كوميسسيا مۇشەلەرى جانە باسقا دا تۇلعالار وتكىزىلەدى. ەكى مەتر اراقاشىقتىقتى ساقتاۋ ءۇشىن اۋديتورياداعى تالاپكەر سانى ازايادى. باستىسى، جەرگىلىكتى اتقارۋ ورگاندارى مەن ق ر بعم وكىلدەرى تاراپىنان تۇلەكتەردىڭ قاۋىپسىزدىگىنە بايلانىستى قاجەتتى شارالار تولىق قابىلدانادى، - دەدى زەينەپ ماحسۋتوۆا.
شقو اقپارات ورتالىعى
