الماتىدا ىلە اۋدانىنداعى قوقىس پوليگونىندا بولعان ءورتتىڭ ۆيدەوسى جاريالاندى. ءورتتىڭ تارالۋىنا جول بەرمەۋ ءۇشىن مي-8 تىكۇشاعى جۇمىلدىرىلعان، دەپ حابارلايدى Tengrinews.kz سايتى.
ءوتر 3 گەكتاردان اسا جەردى شارپىپ ۇلگەرگەن.
ەسكە سالايىق، مۇنىڭ الدىندا الماتى وبلىسىندا قوقىس پوليگونىنىڭ ورتەنىپ جاتقانى حابارلانعان بولاتىن.
"شامامەن 3 گەكتار اۋماق (پوليگوننىڭ جالپى اۋدانى 38 گەكتار) ورتەنگەن. ءورت سەكۋندىنا 3 مەترگە دەيىن، اراسىندا سەكۋندىنا 7 مەترگە دەيىن سوققان جەلدىڭ سالدارىنان تەز تارالعان. ءورتتى سوندىرۋگە الماتى وبلىسى توتەنشە جاعداي دەپارتامەنتىنىڭ 16 قىزمەتكەرى، "ادك تازا-الەم" ءجشس-نىڭ 30 قىزمەتكەرى، جەرگىلىكتى اتقارۋ ورگاندارىنىڭ 10 قىزمەتكەرى جۇمىلدىرىلعان" دەپ حابارلاعان بولاتىن الماتى وبلىسىنىڭ تجد باسپا ءسوز قىزمەتىندەگىلەر.
پىكىر قالدىرۋ