«چەكتى تالاپ ەت-جۇلدەنى ۇتىپ ال!» اكسياسى اعىمداعى جىل سوڭىنا دەيىن جالعاسىن تاپپاق. اكسيا اياسىندا ءاربىر تۇتىنۋشى ساتىپ الىنعان تاۋار (جۇمىس جانە قىزمەت) ءۇشىن الىنعان كاسسالىق چەكتى، تەگىن ءموبيلدى قوسىمشا (Wipon) ارقىلى جىبەرەدى جانە تەلەفون تەڭگەرىمىنە تۇسەتىن اقشالاي قاراجاتتى ۇتىپ الۋ مۇمكىندىگىن الادى. بۇل تۋرالى شقو اقپاراتتىق ورتالىعىندا وتكەن بريفينگ بارىسىندا شىعىس قازاقستان بويىنشا مەملەكەتتىك كىرىستەر دەپارتامەنتىنىڭ ءتۇسىندىرۋ جۇمىستارى بويىنشا باسشىسى نادەجدا دروزدوۆا ءمالىم ەتتى.
بريفينگ بارىسىندا نادەجدا دروزدوۆا بكم فيسكالدىق چەكتەرى بەرىلمەگەن جاعدايدا، تۇتىنۋشى اتالعان قوسىمشا (Wipon) ارقىلى شاعىمدانا الاتىنىن جانە وندا دەرەك راستالعاننان كەيىن تەلەفون تەڭگەرىمى اقشا قاراجاتىمەن تولىقتىرىلاتىنىن اتاپ ءوتتى.
- باعدارلاماعا فيسكالدى چەكتى جۇكتەي وتىرىپ، 500 تەڭگەگە دەيىن تەلەفون تەڭگەرىمىنە جەدەل اقشالاي سىيلىق ويناتىلادى. قوسىمشا ارقىلى چەكتىڭ مالىمەتتەرىن ۇسىنۋ جولىمەن تاۋاردى، جۇمىستى نەمەسە قىزمەتتى ساتىپ العاندىعىن راستاعان كەز كەلگەن ازامات قاتىسا الادى، - دەدى نادەجدا دروزدوۆا.
شىعىس قازاقستان بويىنشا مەملەكەتتىك كىرىستەر دەپارتامەنتىنىڭ ءتۇسىندىرۋ جۇمىستارى بويىنشا باسشىسىنىڭ ايتۋىنشا، كورسەتىلگەن جۇمىستار، قىزمەتتەر، ساتىپ الىنعان تاۋارلار ءۇشىن چەكتى مىندەتتى تۇردە بەرۋ سالىق زاڭناماسىمەن عانا ەمەس، سونىمەن قاتار تۇتىنۋشىلاردىڭ قۇقىقتارىن قورعاۋ تۋرالى زاڭنامامەن كوزدەلگەن. بۇل ءوز كەزەگىندە چەكتىڭ بولۋى بەلگىلى ءبىر ساۋدا نۇكتەسىندە تاۋاردى قايتارۋ نەمەسە ايىرباستاۋ جاعدايىندا ساتىپ الۋ بويىنشا پروبلەمالاردى بولدىرماۋعا مۇمكىندىك بەرەدى.
- ەگەر فيسكالدىق چەك بەرىلمەسە، وندا وسى قوسىمشا ارقىلى «ازاماتتىق باقىلاۋ-چەكتى تالاپ ەت!» اكسياسىنىڭ شەبەرىندە فيسكالدىق چەكتى بەرمەۋ دەرەگى تۋرالى شاعىم بەرۋگە بولادى. چەكتىڭ بەرىلمەۋ دەرەگى تىركەلگەن بەينە بەكىتىلەدى. بارلىق جىبەرىلگەن وتىنىشتەر قارالىپ، چەك بەرىلمەگەنى انىقتالعان جاعدايدا، ازامات تەلەفون تەڭگەرىمىنە 1000 تەڭگە سىياقى الا الادى. حابارلامالاردا بۇزۋشىلىق دەرەگى راستالعان جانە جاۋاپقا تارتىلعان جاعدايدا، سىياقى تولەۋ جونىندەگى ءىس-شارالاردى جۇرگىزۋ ءۇشىن اۆتوردى (ت.ا.ءا.، جسن (بسن)، بايلانىس اقپاراتى) كورسەتۋ قاجەت، - دەدى نادەجدا دروزدوۆا.
شقو بويىنشا 2020 جىلدىڭ 25 مامىرىنا دەيىن چەك بەرىلمەۋىنە بايلانىستى 54 شاعىم راستالعان. بريفينگكە قاتىسقان شىعىس قازاقستان بويىنشا مەملەكەتتىك كىرىستەر دەپارتامەنتىنىڭ ءتۇسىندىرۋ جۇمىستارى بويىنشا باسشىسى وسىلاي دەدى.
- بۇل ءبىر جاعىنان زاڭنامانى ساقتاۋعا، ەكىنشى جاعىنان ءوز بيۋدجەتىن تولىقتىرۋعا مۇمكىندىك بەرەدى، - دەدى نادەجدا دروزدوۆا.
شقو اقپارات ورتالىعى
