الەم كوروناۆيرۋسپەن كۇرەستە تاعى ءبىر اۋىر كەزەڭگە جەتتى. بەيسەنبىدە دۇنيەجۇزى بويىنشا سوVID-19 جۇقتىرعانى راستالعان ادامداردىڭ سانى 7 ميلليون 360 مىڭنان استى. ەڭ كوپ ۆيرۋس جۇقتىرعان ەل اقش-تا اۋرۋلار سانى 2 ميلليوننان اسىپ تۇسكەن. بۇل تۋرالى قامشى ءتىلشىسى دجونس حوپكينس ۋنيۆەرسيتەتىنىڭ ستاتيستيكاسىنا سىلتەمە جاساپ حابارايدى. 

امەريكالىق ۋنيۆەرسيتەتتىڭ مالىمەتى بويىنشا، الەمدە كوروناۆيرۋستان قايتىس بولعان ادامداردىڭ سانى 416 مىڭنان اسقان. كوز جۇمعانداردىڭ تورتتەن ءبىرى قۇراما شتاتتاردا تىركەلگەن، اتاپ ايتقاندا وندا 112 مىڭنان استام ادام قايتىس بولعان.

ال قازاقستاندا 13 مىڭ 558 ادامنىڭ كوروناۆيرۋس جۇقتىرعانى راستالىپ، 67 ادام COVID-19 سەبەبىنەن كوز جۇمعان.

الايدا كوپتەگەن ساراپشىلاردىڭ پىكىرىنشە، بۇل ساندار شىنايى جاعدايدان الدەقايدا از.