بريتانيالىق The Independent باسىلىمى ماسكەۋدە كوروناۆيرۋستان قايتىس بولعان مىڭداعان ادام ءولىمىنىڭ تىركەلمەگەنىن مالىمدەدى. بۇل تۋرالى قامشى ءتىلشىسى حابارلايدى.

– رەسەي ءجۋرناليسى مامىر ايىندا ماسكەۋدە التى مىڭعا جۋىق ادام قايتىس بولعانىن حابارلادى، – دەپ جازدى بريتانيالىق باسىلىم.  

The Independent-تىڭ اقپاراتىنشا، «ەحو موسكۆى» راديوستانسياسىنىڭ رەداكتورى الەكسەي ۆەنەديكتوۆ ماسكەۋدە قازا تاپقانداردىڭ سانى 15 700-گە جەتكەنىن جاريالاعان. بۇل ءۇش جىلدىق ورتاشا كورسەتكىشتەن 60 پايىزعا جوعارى.

– ەگەر بۇل سان شىن بولسا، رەسمي ستاتيستيكاعا كۇمان تۋادى. رەسمي ستاتيستيكا بويىنشا مامىر ايىندا Covid-19 بويىنشا 1474 ءولىم تىركەلگەن، – دەپ جازدى The Independent. باسىلىمنىڭ تالداۋ جاساۋىنشا، بۇل ستاتيستيكالار ماسكەۋدە كوروناۆيرۋستان ولگەن مىڭداعان ادامنىڭ تىركەلمەگەنىن بىلدىرەدى. 

گازەتتىڭ اقپاراتىنا سايكەس، رەسەي بۇعان دەيىن "رەسمي ستاتيستيكا كوروناۆيرۋستىق ءولىمنىڭ ناقتى سانىن تومەندەتىپ كورسەتكەن بولۋى مۇمكىن" دەگەن مالىمدەمەگە شامدانىپ جاۋاپ قايتارعان. وسى اپتانىڭ باسىندا، CNN-گە بەرگەن سۇحباتىندا كرەمل وكىلى الەمدىك تەندەنسيالارعا سايكەسسىزدىك تەك رەسەيلىك مەديسينانىڭ «تيىمدىلىگىنە» بايلانىستى ەكەنىن ايتقان.