ءماجىلىس دەپۋتاتى بەكبولات تىلەۋحان كوروناۆيرۋس جۇقتىردى. بۇل تۋرالى تىلەۋحاننىڭ ءوزى Instagram پاراقشاسىندا جازدى.
"الەمدىك پاندەميا سالقىنى ماعان دا ءتيدى. كوروناۆيرۋسقا تاپسىرعان تەست وڭ ناتيجە كورسەتتى. الدىمەن ءۇي جاعدايىندا ەم قابىلداپ باستاعان ەدىم. ءقازىر اۋرۋحانادا دارىگەرلەردىڭ تولىق باقىلاۋىندامىن. ءتيىستى ەم شارالارىن قابىلداپ جاتىرمىن. دارىگەرلەر اتاعان COVID سيمپتومدارىن باستان وتكەرۋدەمىن" دەپ جازدى دەپۋتات.
قازاقستاندا بۇعان دەيىن دە بىرنەشە شەنەۋنىك COVID-19 ۆيرۋس جۇقتىرعان. ولاردىڭ اراسىندا پرەزيدەنتتىڭ باسپا ءسوز حاتشىسى بەرىك ءۋالي، الماتى قالاسى دەنساۋلىق ساقتاۋ باسقارماسىنىڭ باسشىسى كامالجان نادىروۆ، تەمىرتاۋ قالاسىنىڭ اكىمى عالىم ءاشىموۆ بار.
پىكىر قالدىرۋ