الماتى اكىمى باقىتجان ساعىنتايەۆ «اتاكەنت» ءقىقو اۋماعىندا كوروناۆيرۋستى جەدەل ءارى ناقتىلى انىقتايتىن مودۋلدى زەرتحانا كەشەنىنىڭ اشىلۋىنا قاتىستى.

ب. وتەمۇراتوۆتىڭ قورى قالاعا تەگىن بەرگەن زەرتحانادا جۇمىسسىزدارعا، از قامتىلعان جانە كوپبالالى وتباسى مۇشەلەرىنە، مۇمكىندىگى شەكتەۋلى ادامدارعا، ستاسيونارعا جوسپارلى ءتۇرلى جاتقىزىلعان ناۋقاستارعا، تىنىس الۋ ورگاندارى، ەندوكريندىك جانە جۇرەك-قانتامىر جۇيەسى اۋرۋلارى بۇرىننان بار ءارى باقىلاۋعا الىنعان 50 جاستان جوعارى ناۋقاستارعا سكرينينگ تەگىن جۇرگىزىلەدى. سونىمەن قاتار، مۇندا ەپيدەمياعا قارسى شارالادى تەكسەرۋگە قاتىسقان اكىمدىكتەر قىزمەتكەرلەرى، ۆولونتەرلەر، بەلسەندىلەر، پاترۋل قىزمەتكەرلەرى، قارتتار ۇيلەرىندە، ينتەرناتتاردا جانە باسقا دا ارنايى مەكەمەلەردە تۇراتىندار، مەكتەپ جاسىنا دەيىنگى مەكەمەلەر قىزمەتكەرلەرى تەكسەرۋدەن وتەدى.

– كەشەندى جۇمىس كوروناۆيرۋستى جاپپاي جۇقتىرۋعا توسقاۋىل بولىپ، ونىڭ ءورشىپ كەتپەۋىنە جانە ەپيدەميولوگيالىق جاعدايدى باقىلاۋدا ۇستاۋعا مۇمكىندىك بەرەدى، – دەپ اتاپ ءوتتى الماتى اكىمى باقىتجان ساعىنتايەۆ جانە ب. وتەمۇراتوۆ پەن ونىڭ كومانداسىنىڭ بارلىق مۇشەلەرىنە COVID-19 قارسى كۇرەسكە قوسقان ۇلەستەرى ءۇشىن العىس ءبىلدىردى.

زەرتحانا پسر ساراپتاماسىنىڭ بارلىق سيكلىن جۇرگىزۋ قۇرالدارمەن تولىق جابدىقتالعان. جالپى كەشەندە جوعارى تەحنولوگيالى جانە بيولوگيالىق ماتەريالدى الاتىن، ساقتايتىن ءارى بەلگىلەيتىن، پسر ءادىسى بويىنشا زەرتتەۋ جۇرگىزەتىن جوعارى تەحنولوگيالى 42 قۇرال-جابدىقتار ورناتىلعان.

زەرتحانا قۋاتى وتە جوعارى، مۇندا 5000 دەيىن باسىمدىق بەرەتىن كۇنىنە 1000 ساراپتاما جاسالادى. قور زەرتحانانى جەدەل تۇردە 30 مىڭ تەست جۇرگىزۋ ءۇشىن قاجەتتى رەاگەنت قۇرالدارمەن تولىق قامتىعان. زەرتحانادا جۇمىس ىستەۋگە ۇلتتىق ساراپتاما ورتالىعىنىڭ 16 زەرتتەۋشىسى تارتىلعان، ولار سەگىز ادامنان ءبولىنىپ، ەكى اۋىسىمدا جۇمىس جاسايتىن بولادى.

جاڭا زەرتحانا سانى بويىنشا جەتىنشى. بۇعان دەيىن الماتىدا التى زەرتحانا جۇمىس جاسادى، ولار: ۇسو، ورز، نپسسەەيم، MPKQ، قالالىقسپيد، «وليمپ» كدل. سونىمەن قاتار، ەكى جىلجىمالى قابىلداۋ پۋنكتى اشىلعان.