ەگەر قالادا جۇمىس ىستەپ تۇرعان ۇيىمنىڭ باسشىلارى مەن تۇرعىندار كارانتين شارالارىن ساقتاماسا، جاپپاي جۇقتىرعاندار سانى كوبەيە بەرەدى. ءدال ءقازىر نۇر-سۇلتان قالاسىنىڭ ەپيدەميولوگيالىق جاعدايىن تۇراقتى ۇستاۋ مۇمكىن بولماي وتىر. سوندىقتان كارانتين شارالارىن كۇشەيتۋگە ءماجبۇر بولادى. بۇل تۋرالى ەلوردانىڭ باس سانيتارلىق دارىگەرى جاننا پىرالييەۆا مالىمدەدى، دەپ حابارلايدى Tengrinews.kz ءتىلشىسى.
نۇر-سۇلتاننىڭ باس سانيتار دارىگەرى جاننا پىرالييەۆانىڭ ايتۋىنشا، قالا تۇرعىندارىنىڭ كارانتين شارالارىن ساقتاماۋى، جاپپاي جۇقتىرۋ جاعدايىنىڭ كوبەيىپ جاتقانىنا سەبەپ بولىپ وتىر.
"قۇرمەتتى ۇيىمداردىڭ باسشىلارى ناۋقاستاردىڭ سانى كوبەيگەن جاعدايدا مەن نۇر-سۇلتان قالاسىنىڭ باس سانيتار دارىگەرى رەتىندە قالاداعى ەپيدەميولوگيالىق جاعدايدى ەسكەرە وتىرىپ، كوروناۆيرۋس ينفەكسياسىنىڭ جاپپاي تارالماۋى ءۇشىن شەكتەۋ جانە كارانتين ەرەجەلەرىن كۇشەيتۋگە ءماجبۇرمىن. تۇرعىنداردىڭ ءومىرى مەن دەنساۋلىعىنا نەمقۇرايلى قاراعانىڭىز بىزگە ەپيدەميولوگيالىق جاعدايدى تۇراقتى ەتۋگە جانە قالىپتى ومىرگە ورالۋعا مۇمكىندىك بەرمەي جاتىر. تاعى دا سىزدەرگە ويلانىپ، بىزگە وسى جاعدايدان شىعۋعا، بۇكىل الەم تاپ بولعان قيىن جاعدايدان شىعۋعا كومەكتەسۋدى سۇرايمىز"، دەدى جاننا پىرالييەۆا.
