الماتى اكىمى باقىتجان ساعىنتايەۆ كوروناۆيرۋس ينفەكسياسىنىڭ الدىن الۋ ءۇشىن دەزينفەكسيالاۋ جۇمىستارى ۇزدىكسىز جۇرگىزىلىپ جاتقاندىعىن ءىnstagram جازدى.
– كوروناۆيرۋستىڭ تارالۋىن تەجەۋ ماقساتىندا قالادا بارلىق جاعداي جاسالۋدا. سونىڭ ءبىرى – قوعامدىق كەڭىستىكتى دەزينفەكسيالاۋ. كوشەلەر، ساۋدا جانە قىزمەت كورسەتۋ نىساندارى، مەديسينالىق مەكەمەلەردىڭ اۋماقتارى، جاياۋ جۇرگىنشىلەر جولى، جالپى جۇقتىرۋ قاۋپىنە يە بارلىق زاتتار زالالسىزداندىرىلۋدا، – دەدى ساعىنتايەۆ.
سونىمەن قاتار، كۇن سايىن 7،5 مىڭ كىرەبەرىس پەن 1،5 مىڭ اۋلا، سونىڭ ىشىندە بالالاردىڭ ويىن جانە سپورت الاڭدارى دەزينفەكسيالانىپ جاتقىنىن اتاپ ءوتتى.
– بۇعان 75،4 مىڭ ليتر ەرىتىندى جۇمسالادى. ال بۇل جۇمىستار 450 دەزينفەكسيالىق كومپانيا قىزمەتكەرلەرىنىڭ كۇشىمەن اتقارىلادى. بولات سادىكوۆ سىندى قاراپايىم جىگىتتەر COVID-19-دىڭ تارالۋىنا قارسى ءىس-قيمىلدا بەلسەندىلىك تانىتىپ ءجۇر. ءبىز دە جاۋاپكەرشىلىك تانىتايىق، – دەپ جازدى شاھار باسشىسى.
پىكىر قالدىرۋ