پروكۋراتۋرا سوتتان قىرعىزستاننىڭ ەكس-پرەزيدەنتى المازبەك اتامبايەۆتى 15 جىلعا باس بوستاندىعىنان ايىرۋدى سۇرادى. بۇل تۋرالى اzattyq حابارلادى.
سونىمەن قاتار ەكس-پرەزيدەنتتىڭ ادۆوكاتى زامير جووشيەۆتىڭ ايتۋىنشا، اتامبايەۆتى بارلىق مەملەكەتتىك ناگرادالارىنان ايىرىپ، مۇلكىن تاركىلەۋدى سۇراعان.
باتۋكايەۆتى زاڭسىز بوساتۋ جونىندەگى قىلمىستىق ىستە 19 ايىپتالۋشى بار. ءتورت ايىپتالۋشىنىڭ (اراسىندا المازبەك اتامبايەۆ تا بار) ءىسى جەكە وندىرىسكە ءبولىنىپ، پەرۆوماي اۋداندىق سوتىنا جىبەرىلگەن. 14 ادام تەرگەۋ تارابىمەن كەلىسىم جاساسقان. ولاردىڭ ءىسى سۆەردلوۆ اۋداندىق سوتىنا جىبەرىلگەن.
قىلمىستىق توپ جەتەكشىسى ازيز باتۋكايەۆ 2013 جىلى نارىنداعى تۇرمەدەن دەنساۋلىعىنا بايلانىستى مەرزىمىنەن بۇرىن بوساتىلعان. دارىگەرلەردىڭ بەرگەن انىقتاماسىندا ونىڭ "اۋىر سىرقاتقا ۇشىراعانى" جازىلعان. سول كەزدە ول بىشكەكتىڭ حالىقارالىق اۋەجايىنا جەتكىزىلىپ، سول جەردەن گروزنىيعا ۇشىپ كەتكەن.
2019 جىلى رەسەيدىڭ ىشكى ىستەر مينيسترلىگى بۇل فاكت بويىنشا تەرگەۋ امالدارىن قايتا باستاعان. ءقازىر ءىس سوتتا قارالىپ جاتىر. ونى زاڭسىز بوساتۋ بويىنشا ىستە المازبەك اتامبايەۆتان بولەك، بۇرىنعى باس پروكۋرور ينديرا جولدىبايەۆا، قىلمىستىق اتقارۋ مەملەكەتتىك قىزمەتى ءتوراعاسىنىڭ بۇرىنعى كەڭەسشىسى كالىبەك كاچكىنالييەۆ، گەماتولوگيا ورتالىعىنىڭ بۇرىنعى ديرەكتورى ابدۋحاليك رايىمجانوۆ بار. بۇل ءىس بويىنشا، وزگە دە بۇرىنعى جوعارى لاۋازىمدى تۇلعالار ايىپتالعان.
پىكىر قالدىرۋ