COVID-19 كولەڭكەلى، ىلعالدى ورتادا جاسىرىنىپ، بەلگىلى ءبىر ۋاقىتتان كەيىن ادامدارعا تاعى دا جۇعاتىنى بەلگىلى بولدى. بۇل تۋرالى قىتايدا اۋرۋلاردى باقىلاۋ جانە الدىن-الۋ ورتالىعىنىڭ باسشىسى، جۇڭگو عىلىم اكادەمياسىنىڭ اكادەميگى گاو فۋ ايتتى، دەپ جازادى ria.ru.
– ۆيرۋس كولەڭكەلى، ىلعالدى، سالىستىرمالى تۇردە لاستانعان ورتادا جاسىرىناتىنى بەلگىلى بولدى. ءبىز مۇنى ەلەستەتپەدىك. ال بەلگىلى ءبىر ۋاقىتتان كەيىن ول كەنەتتەن پايدا بولادى جانە كوپتەگەن ادامدارعا جۇعادى، – دەيدى گاو فۋ.
ونىڭ ايتۋىنشا، پەكيندەگى كوروناۆيرۋستىڭ قازىرگى جاڭا ءتۇرى مامىر ايىنىڭ سوڭىندا نەمەسە ماۋسىمنىڭ باسىندا ەمەس، ءبىر اي بۇرىن باستالعان.
"ءقازىردىڭ وزىندە كوپتەگەن سيمپتومسىز تاسىمالداۋشىلار بار. بۇل جاعدايدا قورشاعان ورتادا ۆيرۋس كۇرت كوبەيەدى. بۇل ءبىزدىڭ بولجامىمىز، ءبىراق قوسىمشا زەرتتەۋدى قاجەت ەتەدى. ءبىراق بۇل ەپيدەميانىڭ الدىن الۋ جانە باقىلاۋ تۇرعىسىنان ەسكەرتۋ بولىپ تابىلادى"، دەيدى ساراپشى.
وتكەن تاۋلىك ىشىندە بەيجىڭدە كوروناۆيرۋستىڭ 37 جاڭا جاعدايى انىقتالدى. 31 ادامنان كوروناۆيرۋس تابىلعان. ولاردىڭ التاۋى سيمپتومسىز تاسىمالداۋشى.
پىكىر قالدىرۋ