ساياساتتانۋشى ەرلان سايروۆ ريەۆوليۋسيالىق ەمەس، ەۆوليۋسيالىق جولدى تاڭداۋعا شاقىردى.
"ءبىزدىڭ بارلىعىمىز دا ەلىمىزدىڭ بولاشاعى دەموكراتيا، پىكىرلەر ءپليۋراليزمى، الەۋمەتتىك ادىلەتتىلىك پرينسيپتەرىمەن تىعىز بايلانىستى ەكەندىگىن تەرەڭ سەزىنەمىز. ءبىزدى بىرىكتىرەتىن دە وسى قۇندىلىقتار!
دەسەك تە، قازاقستانداعى دەموكراتياعا ۇمتىلىس نيەتى ريەۆوليۋسيالىق جولدى ەمەس، ەۆوليۋسيالىق جولدى تاڭداۋى ءتيىس دەپ سانايمىز.
ءبىز قانداي دا ءبىر نارازىلىق، الەۋمەتتىك قايشىلىق پەن تولقۋلار كونسترۋكتيۆتى تاسىلمەن شەشىلۋى قاجەت دەگەن قاعيدانى ۇستانامىز.
سوندىقتان، ءبىز مەملەكەتىمىزدىڭ دامۋىنا بارىنشا ۇلەس قوسۋعا قابىلەتتى، الەۋمەتتىك ماسەلەلەردى وڭتايلى شەشۋگە ىقپالىن تيگىزەتىن، قوعامدىق پروگرەسسكە جەتەلەيتىن قادامدار جاساۋ ماقساتىندا «نۇر-وتان» پارتياسىنىڭ جاقتاستارى ليگاسىن» قۇرۋدى ءجون كورىپ وتىرمىز!"،- دەدى ول.
