قوستاناي اكىمى ارحيمەد مۇحامبەتوۆ وبلىستا كارانتين شارالارىنىڭ كۇشەيتىلەتىنىن حابارلادى. بۇل تۋرالى ءىnstagram پاراقشاسىندا جازدى.
"بۇگىن كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى جەدەل شتاب وتىرىسىن وتكىزدىم.
سوڭعى كۇندەرى وبلىستا كورونوۆيرۋستىق ينفەكسيا بويىنشا ەپيدەميولوگيالىق جاعدايدىڭ ناشارلاۋى، سونداي-اق كارانتين رەجيمىن ساقتاماۋ فاكتىلەرى بار.
وسىعان بايلانىستى جەدەل شتاب 18-30 ماۋسىم ارالىعىندا كەلەسى شەكتەۋ شارالارىن ەنگىزۋ جونىندە شەشىم قابىلدادى:
- 19 ماۋسىمدا ساعات 00.00 باستاپ 3 سانيتارلىق بەكەتتى ورناتۋ، «قوستاناي-اۋليەكول-سۇرعان» جانە «قوستاناي – رۋدنىي»، «ارقالىق-امانتوعاي» اۆتوجولدارىندا.
- اتتراكسيوندار مەن سۋبۇرقاقتاردىڭ، ۇرلەمەلى كونسترۋكسيالاردىڭ (باتۋتتار) جۇمىسىنا تىيىم سالۋ؛
- كاراوكە بارلاردىڭ، بيليارد، بوۋلينگ ورتالىقتارىنىڭ، تاتۋ-سالونداردىڭ، ماسساج سالوندارىنىڭ جۇمىسىنا تىيىم سالۋ؛
- حقكو-عا ونلاين رەجيمىندە قىزمەت كورسەتۋگە كوشۋ، ونلاين رەجيمىندە جۇزەگە اسىرۋ مۇمكىن ەمەس قىزمەتتەردى جازۋ بويىنشا ساعات 10-00-دەن 18-00-گە دەيىن؛
- سۇلۋلىق سالوندارىنىڭ، شاشتارازداردىڭ جۇمىسىن تەك جازۋ بويىنشا 10-00-دەن 18-00-گە دەيىن شەكتەۋ؛
- ءبىلىم بەرۋ ورتالىقتارىنىڭ جۇمىسى، ۇيىرمەلەر، بالالاردى دامىتۋ ورتالىقتارى 9-00-دەن 16-00-گە دەيىن (تولتىرىلۋى 15 ادامنان ارتىق ەمەس)؛
- ونەركاسىپ توبىنىڭ تاۋارلارىن وتكىزەتىن وبەكتىلەردىڭ جۇمىسىن 20-00-گە دەيىن شەكتەۋ؛
- ازىق-تۇلىكتىك جانە ازىق-تۇلىكتىك ەمەس بازارلاردىڭ جۇمىسىن 10-00-دەن 16-00-گە دەيىن شەكتەۋ؛
- مەملەكەتتىك قىزمەتشىلەردىڭ 80%-ىن «قاشىقتىقتان» جۇمىس نىسانىنا اۋىستىرۋ، سەلەكتورلىق رەجيمدە جينالىستار، كەڭەستەر، سەمينارلار، كونفەرەنسيالار جانە بەينە كونفەرەنسيالار وتكىزۋ.
سونىمەن قاتار، ق ر ۇكىمەتىنىڭ تاپسىرماسى بويىنشا الداعى دەمالىس كۇندەرى ەپيدەميولوگيالىق جاعدايدى تۇراقتاندىرۋ ماقساتىندا 20-21 ماۋسىم ارالىعىندا 50 مىڭ ادامنان اساتىن ەلدى مەكەندەر (قوستاناي جانە رۋدنىي قالالارى) ءۇشىن قوسىمشا ۋاقىتشا شەكتەۋلەر ەنگىزىلەدى.
اتاپ ايتقاندا:
- قوعامدىق ورىنداردىڭ، ساياباقتاردىڭ، سكۆەرلەردىڭ، جاعالاۋلاردىڭ، جاعاجايلاردىڭ، اكۆاپاركتەردىڭ جۇمىس ىستەۋى توقتاتىلادى؛
- 65 جاستان اسقان ادامداردىڭ كوشەگە شىعۋى شەكتەلەدى.
سونداي-اق، «بولاشاق» بالالار لاگەرىنىڭ الەۋمەتتىك قورعالماعان ساناتتاعى بالالاردىڭ بوس ۋاقىتىن ۇيىمداستىرۋ بويىنشا سانيتارلىق شارالاردى قاتاڭ ساقتاي وتىرىپ، جۇمىسىن رۇقسات ەتۋ تۋرالى شەشىم قابىلداندى"، دەپ جازدى وبلىس باسشىسى.
پىكىر قالدىرۋ