قازاقستاننىڭ قارجى ءمينيسترى ەرۇلان جاماۋبايەۆ وقشاۋلانۋعا كەتتى. بۇل اقپاراتتى ۆەدومستۆونىڭ باسپا ءسوز قىزمەتىنە سىلتەمە جاساعان Tengrinews.kz سايتى حابارلادى.

"قارجى ءمينيسترى بۇگىن ءوزىن-وزى وقشاۋلاۋعا كەتتى. بۇعان دەيىن كوروناۆيرۋسقا جاساتقان تەستى تەرىس ناتيجە كورسەتكەن. ءبىراق كەيىن كوروناۆيرۋس جۇقتىرعان اداممەن بايلانىستا بولعانى انىقتالىپ، مينيستر ءبىرشاما ۋاقىت وقشاۋلانۋعا شەشىم قابىلدادى" دەلىنگەن قارجى مينيسترلىگىنىڭ Tengrinews.kz سايتىنا بەرگەن مالىمەتىندە. 

جاماۋبايەۆتىڭ قىزمەتىن ۋاقىتشا اتقارۋعا ونىڭ ورىنباسارى تاتيانا ساۆەليەۆا كىرىسكەن. 

بۇعان دەيىن شەنەۋنىكتەر اراسىنان دەنساۋلىق ساقتاۋ ءمينيسترى ەلجان ءبىرتانوۆ، دەپۋتات بەكبولات تىلەۋحان، پرەزيدەنتتىڭ باسپا ءسوز حاتشىسى بەرىك ءۋالي كوروناۆيرۋس جۇقتىرعان ەدى. 

ال ءماجىلىس سپيكەرى نۇرلان نىعماتۋلين، پرەمەر-مينيستر اسقار مامين، اۋىل شارۋاشىلىعى ءمينيسترى ساپارحان وماروۆ، ءبىلىم جانە عىلىم ءمينيسترى اسحات ايماعانبەتوۆ،  ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعالييەۆ، جامبىل وبلىسىنىڭ اكىمى بەردىبەك ساپاربايەۆ وقشاۋلانىپ جاتىر.