الماتىداعى بالاباقشالاردىڭ بىرىندە تاربيەشىنىڭ بالالاردى ازاپتاپ جاتقان ۆيدەوسى جاريالانىپ، جەلىدە رەزونانس تۋدىردى. 

ۆيدەودا بالالار ورىندىقتا وتىر. ال قاراما-قارسى بەتتە تاربيەشى تۇر. ول كىشكەنتاي بالانى قۇلاعىنان ۇستاپ، ەسىك جاققا الىپ كەتتى. سودان تاعى ءبىر بالانى قولىنان الىپ، قۇلاعىنان ۇستاپ باسقا بولمەگە الىپ كەتەدى. 

بەينەكادردا اتا-انادان كەشىرىم سۇراپ جاتقان تاربيەشىنىڭ ءسوزى ەستىلىپ قالعان. 

بولعان وقيعاعا الماتىنىڭ ءبىلىم باسقارماسى تۇسىنىك بەردى.

وقيعا كلوچكوۆ كوشەسىندە ورنالاسقان № 7 ياسلي-بالاباقشاسىندا بولعان.

– وقيعانىڭ ءمان-جايىن انىقتاۋ ءۇشىن ارنايى كوميسسيا قۇرىلدى. ەگەر دەرەك دالەلدەنسە، جاۋاپتى قىزمەتكەرلەر، ونىڭ ىشىندە، مەڭگەرۋشىدەن باستاپ بارلىعى زاڭعا سايكەس جازالاناتىن بولادى، – دەدى ءبىلىم باسقارماسىنىڭ قىزمەتكەرى قۋاندىق ەشىمەت.