دەنساۋلىق ساقتاۋ ءمينيسترى ەلجان ءبىرتانوۆ "Talklike" youtube جوباسىنا بەرگەن سۇحباتىندا كوروناۆيرۋسقا بولىنگەن 100 ملرد تەڭگە قايدا كەتكەنىن ءتۇسىندىردى.

– ءبىزدىڭ دەنساۋلىق ساقتاۋ سالاسىنا 100 ملرد تەڭگە ءبولىندى. ول كوپ ەمەس. ءبىز ءقازىر قوسىمشا اقشا سۇراپ وتىرمىز. سەبەبى تەست بار، ەمدەگەن ادامدار بار. ولارعا قوسىمشا اقشا تولەپ جاتىرمىز. مىسالى ءبىزدىڭ ۆيرۋسولوگ دارىگەرلەر – 60 مىڭ الادى. ۆيچ-پەن، تۋبەركۋلەزبەن ىستەپ جۇرگەن دارىگەرلەر بار. ولاردىڭ جالاقىسى وتە تومەن. ەگەر مۇمكىندىك بولسا، ولاردىڭ جالاقىسىن 10 ەسەگە كوتەرەر ەدىم. ءبىراق ءبىزدىڭ مەملەكەتىمىزدىڭ، ەكونوميكانىڭ مۇمكىندىگى جوق. وعان قاراماستان وسى ىندەتكە قارسى شىعۋ ءۇشىن ءبىز قوسىمشا 100 ملرد تەڭگە ءبولىپ جاتىرمىز. ماسەلەن اۋىرىپ قالعان ادامدارعا، شەتەلدەن كەلىپ جاتقان ازاماتتارعا، پوليسيا،  دارىگەرلەرگە مەملەكەت تاراپىنان تەگىن تەست جاسالادى. قوسىمشا اقشا كەرەك، كۇزدەگى ەكىنشى تولقىنعا دايىندالۋ قاجەت، – دەپ ايتتى ءبىرتانوۆ. 

ونىڭ ايتۋىنشا، مەملەكەتتىك قوردان قوسىمشا 30 ملرد تەڭگە قاجەت.