تۇركىستان وبلىسىنىڭ پوليسەيلەرى "قاراسورا" جەدەل-پروفيلاكتيكالىق ءىس-شاراسى بارىسىندا التى ەسىرتكى القابىن انىقتادى. 1 ماۋسىمدا باستالعان كەڭ اۋقىمدى شارا 31 قازانعا دەيىن جالعاسادى، دەپ حابارلادى Iشكi iستەر مينيسترلiگiءنىڭ رەسمي سايتى.
شارا اياسىندا تۇركىستان وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ق ر ءىىم ەسىرتكى قىلمىسىنا قارسى ءىس-قيمىل دەپارتامەنتىمەن بىرلەسە وتىرىپ، شەكارا ماڭىنداعى اۋماقتاردى، تاۋلى جانە جازىق جەرلەردى، سونداي-اق وزەندەردىڭ جاعالاۋلارىن ارالاپ شىقتى. وتىرار اۋدانىنىڭ اۋماعىندا جۇرگىزىلگەن ءىس-شارالار ناتيجەسىندە، ماياتاس اۋىلىنان 10 شاقىرىم جەردە 30 شارشى مەتر اۋماقتاعى قاراسورا ەسىرتكى زاتى انىقتالدى. جەدەل ۋاكىلدەر زاتتاي دالەلدەمەلەر رەتىندە قۇرامىندا ەسىرتكى بار 1200 ءتۇپ وسىمدىكتى الىپ، ساراپتاماعا جىبەردى.
جەدەل-ىزدەستىرۋ ءىس-شاراسى بارىسىندا پوليسيا قىزمەتكەرلەرى تۇركىستان قالاسىنىڭ تۇرعىنىن ۇستاعان. ۇستالعان كۇدىكتىنىڭ ءۇيىن ءتىنتۋ كەزىندە ودان قۇرامىندا ەسىرتكى بار قاراسورا وسىمدىگىنىڭ ۇرىعى، تارازى جانە باسقا دا ايعاقتى زاتتار تاركىلەندى. اتالعان جايت بويىنشا ق ر قك-نىڭ 300-بابى 2ء-بولىمى (قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ) بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
بۇدان بولەك، تۇركىستان وبلىسىنىڭ پوليسەيلەرى قۇرامىندا ەسىرتكى زاتتارى بار وسىرۋگە تىيىم سالىنعان بەس ەگىستىكتى تاۋىپ، جويدى.
جەدەل ۋاكىلدەر ەسىرتكى ەگەتىندەردەن قۇرامىندا ەسىرتكىسى بار جالپى جيىنتىعى 1000-نان استام ءتۇپ سورا وسىمدىگىن تاركىلەدى.
پىكىر قالدىرۋ