قازاقستاندىق انشىلەر ەلباسىعا: ءبىز ءسىزدى قاتتى جاقسى كورەمىز

/image/2020/06/19/crop-18_-1_436x774_38c266c1-c285-48f1-96dc-82970c57199f.jpg
ءبىرقاتار قازاقستاندىق ءانشى ەلباسىنىڭ ساۋىعىپ كەتۋىنە قاتىستى تىلەكتەرىن الەۋمەتتىك جەلىدەگى پاراقشالارىندا جازىپ جاتىر. 
 
قۇرمەتتى نۇرسۇلتان ءابىش ۇلى، ءسىز – قۋاتتى ءارى سارقىلمايتىن قوزعاۋشى كۇشسىز. ەلباسىعا جانە وسى ىندەتتى جۇقتىرعان بارشا ادامعا تەزىرەك ساۋىعىپ كەتۋلەرىن تىلەيمىن. دەندەرىڭىز ساۋ بولسىن. وزىڭىزگە جانە جاقىندارىڭىزعا اباي بولىڭىزدار، – دەپ جازدى ءانشى رانو ۋماروۆا

ال "بىرلىك بولسىن الەمدە" دەپ ءان سالىپ جۇرگەن "كەنتال"، ياعني تالعات كەنجەبولاتوۆ ىندەت ادامنىڭ الەۋمەتتىك مارتەبەسىنە قارامايتىنىن ايتتى. 

بۇل ىندەت سەنىڭ الەۋمەتتىك مارتەبەڭە، قوعامداعى ورنىڭ مەن تانىمالدىلىعىڭا قارامايدى. ءبىز بۇل ۆيرۋستىڭ الدىندا تەڭبىز. ەلباسى مەن وزگە ادامداردىڭ تەزىرەك ساۋىعىپ كەتۋىن تىلەيمىن. اللا شيپاسىن بەرسىن، – دەدى ول. 

الىشەر كارىموۆ تە ەلباسىنى حالىق جاقسى كورەتىنىن ايتىپ، ۇزاق عۇمىر تىلەدى. 

قۇرمەتتى نۇرسۇلتان ءابىش ۇلى، ءبىز ءسىزدى قاتتى جاقسى كورەمىز. تەزىرەك ساۋىعىپ كەتىڭىز. عۇمىرىڭىز ۇزاق بولسىن، – دەدى ءانشى.

BAQ.KZ

قاتىستى تەگتەر :

پىكىر قالدىرۋ

قاتىستى ماقالالار