ورتا سالماقتاعى IBF جانە IBO چەمپيونى قازاقستاندىق بوكسشى گەنناديي گولوۆكين (40-1-1، 35 كو) Matchroom Boxing پروموۋتەرلىك كومپانياسىنىڭ YouTube-تەگى "The Lockdown Tapes" ارناسىنا بەرگەن سۇحباتىندا كارەراسىن اياقتاۋ تۋرالى سۇراققا جاۋاپ بەردى.

"ءقازىر ءوز ىسىمنەن ءلاززات الامىن. وتباسىم نەمەسە جەكە باسىما قاتىستى ۇستانىمدار كەرى تارتپايدى. بوكسپەن اينالىسۋعا ۋاقىتىم بار، ودان راحاتتانامىن. ال بوكستان ءلاززات الماي قالعان ۋاقىتتا ءبارىن قوياتىنىم ءسوزسىز. سونىمەن قوسا، دەنساۋلىعىم سىر بەرە باستاسا دا توقتاتامىن.

قازىرگى تاڭدا وزىمە جەتەرلىكتەي جاعداي جاسادىم. ءبىراق ادامنىڭ جاراتىلىسى سول، ءبارىبىر از بولىپ تۇرادى. دامىتۋعا بولاتىن ءتۇرلى باعىت بار – رەكورد، اقشا، جەتىستىك، باسقا دا – نە قالايتىنىڭا بايلانىستى. 

ءال ازىرگە قاراپايىم ادامنىڭ ءومىرىن كەشەتىنىمدى ەلەستەتە المايمىن. ويتكەنى ىشتەگىم، بوكسقا ۇمتىلىسىم ەشقاشان ولمەيدى. ءقازىر كورسەتىپ جاتقانىم مەنىمەن ماڭگى قالادى، ادام وزگەرمەيدى" – دەدى گولوۆكين.

38 جاستاعى گولوۆكين 2006 جىلدان بەرى كاسىپقوي بوكستا ءجۇر. ول وسى ۋاقىتقا دەيىن 42 جەكپە-جەك وتكىزگەن. ونىڭ 40-ىندا جەڭىسكە جەتتى، ءبىر رەت تەڭ ءتۇسىپ، ءبىر رەت ۇتىلىپ قالدى.