الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-بريفينگ بارىسىندا كوروناۆيرۋستان ەمدەلۋ جانە ونى دياگنوستيكالاۋعا قاتىستى سۇراقتارعا جاۋاپ بەرىلدى.

ۆيدەوكونفەرەنسياعا الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ، الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – قالانىڭ باس مەملەكەتتىك سانيتار دارىگەرى جانداربەك بەكشين، «ۇلتتىق ساراپتاما ورتالىعى» شجق رمك فيليالى ديرەكتورىنىڭ ورىنباسارى ناتاليا دياگيليەۆا، «وليمپ كدز» باس ديرەكتورى ەرلان سۇلەيمەنوۆ جانە «Medical Partners Korea Qazaqstan (مەديكال پارتنەرس كورەيا قازاقستان)» ج ش س مەديسينالىق قىزمەت بويىنشا ديرەكتور دوكتور مين حيسۋك قاتىستى.

كامالجان نادىروۆ كوروناۆيرۋسپەن اۋىرىپ جاتقان دياگنوستيكالاۋ جانە ەمدەۋ حاتتاماسىنا ەنگىزىلگەن جاڭا ەرەجەلەر تۋرالى پىكىر ءبىلدىرىپ، قالاداعى كوروناۆيرۋسكە قاتىستى اعىمداعى جاعداي جونىندە حابارلادى.

«كلينيكالىق حاتتاماداعى وزگەرىستەر كوروناۆيرۋس ينفەكسياسىنىڭ بەلگىلەرىنە ۇقساس اۋرۋ بەلگىلەرى بار ناۋقاستاردى ەمدەۋگە رۇقسات ەتەدى، الايدا ول ءۇشىن ولاردىڭ تەست ناتيجەلەرى وڭ ناتيجە كورسەتپەۋى كەرەك»، — دەپ اتاپ ءوتتى كامالجان نادىروۆ. وسىلايشا، جاڭادان ەنگىزىلگەن وزگەرىستەر جاعدايدى باقىلاۋدا ۇستاۋعا، سونىمەن بىرگە اۋرۋدىڭ الدەقايدا اۋىر فورمالارىن بولدىرماۋعا مۇمكىندىك بەرەدى.

سوعان قاراماستان، بۇگىنگى كۇنى الماتىدا جۇقتىرۋدىڭ 3258 وقيعاسى تىركەلگەن، ينفەكسيالىق ستاسيونارلاردا 1351 ادام جاتىر. كامالجان نادىروۆ ناۋقاستاردىڭ سانى كۇن سايىن كوبەيىپ جاتقانىن تاعى دا ەسكە سالدى، سوعان بايلانىستى ازاماتتارعا ءوز تاراپتارىنان ءتارتىپتى ساقتاۋ كەرەك.

جانداربەك بەكشين ءوز كەزەگىندە كوروناۆيرۋس ينفەكسياسىن دياگنوستيكالاۋ بارىسىن، سونىمەن بىرگە تەستتەر جەتىسپەيدى دەگەن اقپاراتقا بايلانىستى تۇسىنىكتەمە بەرىپ ءوتتى.

«قازىرگى ساتتە تەستتەن وتۋگە دەگەن سۇرانىس كوبەيىپ وتىر. بۇگىندە كوروناۆيرۋسقا تەست تاپسىرۋعا بولاتىن 6 زەرتحانا جۇمىس ىستەيدى. وكىنىشكە قاراي، جۇمىسقا تۇسكەن سالماقتىڭ ارتۋىنا بايلانىستى، كەيبىر زەرتحانالارعا از عانا ۋاقىتقا ءوز پۋنكتتەرىن تەحنيكالىق جۇمىستار جۇرگىزۋ ءۇشىن جابۋعا تۋرا كەلدى»، — دەپ حابارلادى جانداربەك بەكشين، سوعان قاراماستان، جاعدايدىڭ باقىلاۋدا ەكەنىن جانە قاجەتتى تەستىلەۋ كولەمىن جۇرگىزۋ (جاساۋ) ءۇشىن مەديسينالىق رەسۋرستاردىڭ جەتكىلىكتى ەكەنىن اتاپ ءوتتى. ءتيىستى تەحنيكالىق جانە سانيتارلىق-ەپيدەميولوگيالىق شارالار اياقتالعاننان كەيىن تەستىلەۋ پۋنكتتەرى كەلۋشىلەردى قابىلداي باستايدى.

قالالىق زەرتحانالاردىڭ باسشىلارى دا ءوز قىزمەتتەرى جايلى ءتۇسىندىرىپ ءوتتى. وسىلايشا، ناتاليا دياگيليەۆا ۇلتتىق ساراپتاما ورتالىعى بارلىق كەزەڭ بويى 70 مىڭنان استام تەست وتكىزگەنىن، ولاردىڭ اراسىندا 2333ء-ى وڭ ناتيجە كورسەتكەنىن حابارلادى.

تاۋلىك بويى ىستەيتىن جۇمىس كەستەسىن ەسكەرە وتىرىپ، زەرتحانالاردىڭ قۋاتتىلىعى ءبىر كۇندە 700-1000 تەستتى قۇرايدى، الايدا ءقازىر زەرتحانا تەك مەملەكەتتىك تاپسىرىستار بويىنشا جۇمىس ىستەيدى. بۇل كوروناۆيرۋسقا تەست تاپسىراتىن جەكەمەنشىك پۋنكتتەردىڭ پايدا بولۋىمەن بايلانىستى.

بۇدان وزگە، ۇسو بولجام بويىنشا 24 ماۋسىمنان باستاپ جۇمىسىن باستايتىن «اتاكەنت» ءقىقو-عى جاڭا زەرتحانانىڭ قىزمەتىن رەتتەۋمەن اينالىسادى. جاڭا زەرتحانا جۇمىسسىزدار، از قامتىلعان جانە كوپبالالى وتباسىلاردىڭ مۇشەلەرى، مۇمكىندىگى شەكتەۋلى ازاماتتار، ستاسيونارلارعا جوسپارلى تۇردە جاتقىزىلاتىن ناۋقاستار، جاستارى 50-دەن اسقان پاسيەنتتەر، تىنىس الۋ اۋرۋلارى بويىنشا، ەندوكريندىك جانە جۇرەك قان-تامىرلارى جۇيەسى بويىنشا ديناميكالىق باقىلاۋدا تۇرعان ازاماتتار ءۇشىن تەگىن 30 مىڭ تەست وتكىزبەك.