الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا وتكەن ونلاين-بريفينگ بارىسىندا اسفەندياروۆ اتىنداعى قاز ۇمۋ ينفەكسيالىق جانە تروپيكالىق اۋرۋلار كافەدراسىنىڭ پروفەسسورى راۆيليا ەگەمبەردييەۆا جانە ينفەكسيونيست دارىگەر تامارا ۋتاگانوۆا كوروناۆيرۋستى ەمدەۋ جانە دياگنوستيكالاۋ حاتتامالارىن ءتۇسىندىردى، سونىمەن بىرگە، ءۇي كارانتينىن ۇيىمداستىرۋ، اۋرۋحاناعا جاتقىزۋ جانە كوروناۆيرۋس زارداپتارىنا بايلانىستى سۇراقتارعا جاۋاپ بەردى.

راۆيليا ەگەمبەردييەۆا ۆيرۋس جۇقتىرعاندارعا ءۇي كارانتينىندە، امبۋلاتورلىق جانە رەانيماسيالىق دەڭگەيدە كۇتىم كورسەتۋ جولدارى تولىق جازىلعان كوروناۆيرۋس ينفەكسياسىن دياگنوستيكالاۋ جانە ەمدەۋدىڭ كلينيكالىق حاتتاماسى بار ەكەنىن ءتۇسىندىردى.

وسىلايشا، ول كوروناۆيرۋس ينفەكسياسىنىڭ جۇقتىرعانداردىڭ ىشىندە اۋرۋ بەلگىلەرى جوق جانە اۋرۋى جەڭىل ءوتىپ جاتقان ناۋقاستار ءۇي كارانتينىندە جاتقانىن اتاپ ءوتتى. امبۋلاتورلىق بولىمدەگى نەگىزگى مىندەت اۋرۋدىڭ اۋىر فورماسىنىڭ الدىن الۋ بولىپ تابىلادى، ال رەانيماسيالىق بولىمدە اۋرۋ جۇقتىرۋ سوڭى جاعىمسىز اياقتالماۋى ءۇشىن قارقىندى تەراپيا جۇرگىزىلەدى.

اۋرۋحانادان شىعارىلعاننان كەيىن دە پاسيەنتتەر قاشىقتىقتان مەديسينالىق باقىلاۋدا بولادى.

سونداي-اق، تامارا ۋتاگانوۆا كوروناۆيرۋس ينفەكسياسىنىڭ اۋرۋ بەلگىلەرى بايقالمايتىن فورماسى تۋرالى كوپ قويىلاتىن ساۋالدارعا جاۋاپ بەرىپ، اۋرۋدىڭ زارداپتارى جانە ينفەكسيالىق اۋرۋلاردىڭ جالپى كورسەتكىشى جايلى ايتتى.

اۋرۋ بەلگىلەرى بايقالمايتىن ينفەكسيا تاراتۋشىلاردىڭ ءقاۋپى نەدە، سونداي-اق، مەديسينالىق باقىلاۋ مەن ەمدەۋدىڭ قالاي جۇرگىزىلەتىنىن ءتۇسىندىردى.

– ۆيرۋستىڭ اۋرۋ بەلگىلەرى جوق فورماسىن جۇقتىرعاندار قانداي دا ءبىر السىزدىكتى سەزىنبەگەنمەن، باستى ءقاۋىپ ولاردىڭ ۆيرۋستى تاسىمالداۋشى ەكەندىكتەرىندە، ياعني ينفەكسيا قوزدىرعىشى بولىپ تابىلادى. ەسكە سالىپ وتكىم كەلەتىنى، مۇنداي ناۋقاستارعا قانداي دا ءبىر ەم جۇرگىزىلمەيدى. اۋرۋ بەلگىلەرى بايقالمايتىن ناۋقاستار، سونىمەن بىرگە، اۋرۋى جەڭىل تۇردە ءوتىپ جاتقان ازاماتتار ەگەر ۇيلەرىندە قارت ادامدار مەن سوزىلمالى اۋرۋلارى بار ادامدار بولماسا، ءۇي كارانتينىندە بولۋلارى كەرەك. ۇيدە قالۋعا مۇمكىندىكتەرى بولماسا، كارانتيندىك ستاسيونارلار بار.

تامارا ۋتاگانوۆا  ازاماتتاردىڭ  كوبىنەسە اۋرۋدىڭ  تەمپەراتۋرا بولماسا، باسقا بەلگىلەرىنە نازار اۋدارمايتىنىن اتاپ ءوتتى.

– تەمپەراتۋرا كوروناۆيرۋس ينفەكسياسىنىڭ جالعىز بەلگىسى ەمەس. ەگەر سىزدە باسقا دا ءبىر اۋرۋ بەلگىلەرى بايقالسا، جاعدايدىڭ قيىنداۋىن كۇتۋدىڭ قاجەتى جوق. ءوزىڭىزدىڭ جالپى  تاجىريبەلىك دارىگەرىڭىزبەن حابارلاسۋ كەرەك، – دەدى ول.

ەپيدەميولوگيالىق كەزەڭدە تۇماۋ جانە قىزىلشا اۋرۋلارى تىركەلگەن جاعدايلار سيرەك ەكەنىن اتاپ ءوتتى.

– كوروناۆيرۋسقا بايلانىستى ەنگىزىلگەن وقشاۋلانۋ جالپى اۋىرۋ دەڭگەيىنىڭ تومەندەۋىنە سەبەپ بولعانى ءسوزسىز. تۇماۋمەن اۋىرۋ جاعدايلارى تىركەلگەنمەن، كوبىنەسە كوروناۆيرۋس ينفەكسياسىمەن سايكەس كەلمەدى. سونداي-اق، بۇگىنگى تاڭدا قىزىلشامەن اۋىرۋ وقيعالارى جوق.

دارىگەرلەر جەكە گيگيەنا تالاپتارىن ساقتاۋ اۋرۋلاردىڭ الدىن الۋدا قاشاندا ءجون ءىس بوپ سانالاتىنىن، سوندىقتان دا ول تۇرعىندار اراسىندا ادەتكە اينالسا، ءارتۇرلى ينفەكسيالىق اۋرۋلارعا شالدىعۋ دەڭگەيىن تۇسىرۋگە اكەلەر ەدى دەپ وي قوستى. ولار ءدال قازىرگى ۋاقىتتا قاجەتتى سانيتارلىق-ەپيدەميولوگيالىق تالاپتاردى ساقتاۋ مەن ادامدار كوپ جينالاتىن جەرلەرگە بارماۋدىڭ وتە ماڭىزدى ەكەنىن دە اتاپ ءوتتى.

– كورىپ تۇرعاندارىڭىزداي كوروناۆيرۋسپەن اۋىرۋدىڭ سالدارى وتە اۋىر بولۋى مۇمكىن. دارىگەرلەر پاسيەنتتەر دەنساۋلىعى ءۇشىن كۇن سايىن كۇرەس جۇرگىزۋدە، الايدا تۇرعىندار ءوز ارەكەتتەرىنە، اسىرەسە قازىرگىدەي اۋرۋعا ۇشىراۋ بىردەن ءورشي تۇسكەن ساتتە، جاۋاپكەرشىلىكپەن قاراۋى كەرەك. سوندىقتان دا ءبىز سىزدەرگە قاراستىرىلىپ وتىرعان شارالاردى ۇستانۋدىڭ ماڭىزدى ەكەنىن ەسكەرتە كەتكىمىز كەلىپ وتىر، – دەپ تۇيىندەدى راۆيليا ەگەمبەردييەۆا.