ەرلان سۇلەيمەنوۆ «وليمپ كدز» ەپيدەميا باستالعالى بۇكىل قازاقستان بويىنشا كوروناۆيرۋس ينفەكسياسىنا تەست قابىلداۋدى جۇزەگە اسىرعانىن حابارلادى.

ولاردىڭ پۋنكتتەرىنىڭ باستى مىندەتى – الماتى قالاسىنداعى باسقا زەرتحانالارعا تۇسەتىن كۇشتى ازايتۋ، سوعان بايلانىستى كورشىلەس قالالاردا ءقازىر بار تەستىلەۋ پۋنكتتەرىنە قوسىمشا زەرتحانالار اشۋ جوسپارلانۋدا. وسىلايشا، باسقا قالالاردىڭ تۇرعىندارى تەستتەن ءوز ايماقتارىندا وتە الادى، سونىڭ ناتيجەسىندە الماتىداعى زەرتحانالارعا تۇسەر سالماق ازايۋدى.

قازىرگى ساتتە «كدل وليمپ» تەحنيكالىق جۇمىستار مەن سانيتارلىق-ەپيدەميولوگيالىق شارالاردىڭ جۇرگىزىلۋىنە بايلانىستى ءوز قىزمەتىن توقتاتىپ قويدى. زەرتحانالار دۇيسەنبى كۇنى قايتا اشىلادى، وسىلايشا تۇرعىندار اقىلى تۇردە كوروناۆيرۋسقا تەست تاپسىرا الادى.

دوكتور مين حيسۋك «Medical Partners Korea Qazaqstan» زەرتحانالارىندا جۇرگىزىلەتىن تەستتەر تۋرالى ايتتى. بۇل مەديسينالىق ورتالىقتاردا اقىلى تەست تاپسىرۋ مۇمكىندىگى دە بولعان ەدى. دەگەنمەن دە بۇل ورتالىقتار دا زەرتتەۋگە قاجەتتى ماتەريالداردىڭ اۋە جولدارى ارقىلى اكەلىنۋىنىڭ تۇراقسىزدىعى سەبەبىنەن ءوز قىزمەتىن ۋاقىتشا توقتاتتى.

زەرتحانالار ءوزىنىڭ جۇمىسىن سارسەنبى كۇنى باستايدى جانە تەستتەردى اقىلى تۇردە وتكىزۋگە قايتىپ ورالادى. بۇدان وزگە، «حالىق ارەنا» مۇز سارايىنىڭ اۋماعىندا قوسىمشا تەستىلەۋ پۋنكتتەرىن اشۋ جوسپارلانۋدا. سونداي-اق، نۇرلى-تاۋ بيزنەس-ورتالىعىنىڭ جانىندا ورنالاسقان «Medical Partners Korea Qazaqstan» ءموبيلدى سكرينينگ-ورتالىعى بار ەكەنىن جانە وندا كوروناۆيرۋسقا ەكسپرەسس-تەست تاپسىرۋعا بولاتىنىن ەسكە سالامىز.

كوروناۆيرۋسقا تاپسىرىلاتىن ەكپرەسس-تەستتىڭ پتر-تەستىلەۋدەن ايىرماشىلىعى، بىرىنشىسىندە، پاسيەنت انتيدەنەلەردىڭ بارىنا، جەكەلەي العاندا، م جانە G يممۋنوگلوبۋلينگە، ال ەكىنشى جاعدايدا، ول رنق ۆيرۋسىنىڭ بار-جوقتىعىن انىقتاۋ ءۇشىن تەكسەرىلەدى.

وسىلايشا، ءبىرىنشى ءادىس اۋرۋدى ونىڭ ەڭ ورشىگەن كەزىندە انىقتاۋعا باعىتتالعان، سونىمەن بىرگە ول كوروناۆيرۋس ينفەكسياسىمەن اۋىرىپ بولعاندار ءۇشىن ءتيىمدى بولىپ تابىلادى. دياگنوستيكالاۋدا ءتيىمدى ءادىس بولىپ پتر-تەستىلەۋ بولىپ سانالادى، ول اۋرۋدى باس كەزىنەن انىقتاي الادى.

زەرتحانالار باسشىلارىنىڭ ءبارى ارتىلىپ وتىرعان جۇمىس كۇشىنە قاراماستان، ولار ءبىرىنشى قاجەتتىلىك تۋىنداعان جاعدايدا جۇمىستارىن جالعاستىراتىنىن مالىمدەدى.

ولار سونىمەن بىرگە، جۇرگىزىلەتىن تەست سانىنىڭ كوپ بولۋىنا بايلانىستى ونىڭ ناتيجەسى ادەتتەگى 24 ساعاتتىڭ ورنىنا 48 ساعاتتا شىعارىلۋى مۇمكىن ەكەندىگىن ايتىپ ءوتتى.