الماتى قالاسىنىڭ باس مەملەكەتتىك سانيتارلىق دارىگەرى ج. بەكشين الماتىدا كارانتيندىك شارالاردىڭ كۇشەيتىلۋى تۋرالى ايتتى. 

بۇگىنگى تاڭدا الماتىدا كوروناۆيرۋس ينفەكسياسىن جۇقتىرۋدىڭ 3292 وقيعاسى تىركەلدى، ال سوڭعى ەكى اپتادا قالادا اۋىرۋ دەڭگەيىنىڭ ەكى ەسە كوبەيگەنى بايقالعان، سوعان بايلانىستى ينفەكسيانىڭ ودان ارى تارالۋىن بولدىرماۋ ماقساتىندا وسىعان دەيىن جۇزەگە اسىرىلىپ جاتقان شارالارعا قوسىمشا شارالار قابىلداندى.

الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى — الماتى قالاسىنىڭ باس مەملەكەتتىك سانيتار دارىگەرى جانداربەك بەكشين قوسىمشا شارالاردىڭ قاجەتتىلىگىن ءتۇسىندىرىپ، قالا تۇرعىندارىنىڭ وزىندىك ءتارتىپ ساقتاۋىنىڭ ماڭىزدىلىعىن تاعى دا ەسكە سالىپ ءوتتى.

– كوروناۆيرۋستى جۇقتىرۋدىڭ نەگىزگى ورىندارى ادامدار كوپ جينالاتىن ورىندار مەن قوعامدىق كولىكتەر ەكەنى جاسىرىن ەمەس، ول جەرلەردە ادامنان ادامعا تىعىز قارىم-قاتىناس جولىمەن جۇعادى جانە ودان ءىس جۇزىندە قاشىپ قۇتىلۋ مۇمكىن ەمەس. مىنە سول سەبەپتى وسى دەمالىس كۇندەرى قوعامدىق ورىندارعا بارۋعا شەكتەۋ قويۋ جانە سول جەرلەردە جاپپاي دەزينفەكسيا جۇرگىزۋ شەشىمى قابىلداندى. دەزينفەكسيانىڭ كوروناۆرۋستىڭ الدىن الۋدىڭ نەگىزى بولىپ تابىلاتىنىن، جانە وسى ۇعىمعا جەكە گيگيەنانى ساقتاۋ، قولدى ءجيى جۋۋ، ۇيدە دەزينفەكسيالىق قۇرالداردىڭ كومەگىمەن ىلعالدى تازالىق جۇرگىزۋ جانە بولمەلەردى جەلدەتىپ وتىرۋ سىندى تالاپتار ەنەدى، — دەپ ءتۇسىندىردى جانداربەك بەكشين.

وسىلايشا، جانداربەك بەكشين تاعى دا ازاماتتاردى پروفيلاكتيكا شارالارىن ساقتاۋعا شاقىرىپ، ەپيدەميولوگيالىق جاعدايدىڭ كوبىنە كوپ ازاماتتاردىڭ وزىندىك ءتارتىپتى ساقتاۋىنا بايلانىستى ەكەنىن اتاپ ءوتتى. ول سونىمەن بىرگە، وسىعان دەيىن ەنگىزىلگەن شەكتەۋ شارالارىنىڭ ساقتالاتىنىن، جانە وسى شارالار كەشەنىنىڭ ادامداردىڭ جاپپاي جۇقتىرۋ ءقاۋپىن تومەندەتۋگە مۇمكىندىك بەرەتىنىن اتاپ ءوتتى.

كوشەدەن كەلگەننەن كەيىن، اينالاداعىلارمەن بايلانىس جاساعاننان كەيىن قولدى سابىنمەن مۇقيات جۋۋ؛
امانداسۋ كەزىندە قۇشاقتاسىپ، قول الىسپاۋ؛
قوعامدىق ورىنداردا ءبىر رەتتىك مەديسينالىق ماسكالاردى ءاربىر 2-3 ساعات سايىن اۋىستىرىپ قولدانۋ؛
قوعامدىق ورىندارعا بارۋدان اۋلاق بولۋ (سوو، سپورتتىق جانە ويىن-ساۋىقتىق شارالار، قاربالاس كەزدە قوعامدىق كولىكتەرگە بارۋدان)؛
كوروناۆيرۋس بەلگىلەرى بار ادامدارمەن ءبىر بولمەدە قالۋدان جانە جاقىن بايلانىس جاساۋدان اۋلاق بولۋ؛
قولىڭىزبەن ۇستاعان گادجەتتەردى، ورگتەحنيكا مەن ۇستىڭگى (بەتكى)قاباتتاردى دەزينفەكسيالاۋ.

COVID-19-عا كۇدىكتەنگەن جاعدايدا دەرەۋ وقشاۋلانىپ، ماسكا تاعىپ، ونى ءاربىر ءۇش ساعات سايىن اۋىستىرۋ كەرەك. جاعدايى ناشارلاپ، دەنە قىزۋى كوتەرىلسە ەمحاناعا حابارلاسىپ، ءوزىنىڭ جاعدايى مەن شاعىمدارى تۋرالى حابارلاپ، دارىگەرلەردىڭ نۇسقاۋلىعىن قاتاڭ ۇستانۋ كەرەك.

سونىمەن بىرگە ادامدارمەن بايلانىستى ازايتۋ كەرەك، اسىرەسە جۇقتىرۋ بەلگىلەرى بولسا، جوتەلىپ، تۇشكىرگەن كەزدە اۋىزدى جابۋ ءۇشىن ءبىر رەتتىك سالفەتكالاردى پايدالانعان ءجون، بولمەدە ىلعالدى تازالىقتى دەزينفەكسيالىق قۇرالداردىڭ كومەگىمەن جۇرگىزىپ، ءجيى جەلدەتىپ وتىرۋ كەرەك.

سۇراقتار بولعان جاعدايدا الماتى تۇرعىندارى 1406 نەمەسە 1308 نومەرلەرى بويىنشا حابارلاسا الادى (OpenAlmaty).