ءماجىلىس ءتوراعاسى نۇرلان نىعماتۋلين ەلىمىزدىڭ دەنساۋلىق ساقتاۋ سالاسىنىڭ وكىلدەرىن مەديسينا قىزمەتكەرلەرى كۇنىمەن قۇتتىقتادى.
نۇرلان نىعماتۋلين ءماجىلىس دەپۋتاتتارىنىڭ اتىنان قۇتتىقتاۋدى ءوزىنىڭ twitter-دەگى جەكە پاراقشاسىندا جاريالادى.
«ءماجىلىس دەپۋتاتتارى اتىنان مەديسينا قىزمەتكەرلەرىن كاسىبي مەرەكەسىمەن قۇتتىقتايمىن! بۇگىن ءوزىم اۋرۋحانادا ەم قابىلداپ جاتقاندا، دارىگەرلەر مەن مەدبيكەلەردىڭ ىندەتپەن كۇرەسكەنىنە كۋا بولدىم. سىزدەردىڭ ەڭبەكتەرىڭىزدى باعالايمىز! بارشاڭىزعا زور دەنساۋلىق جانە اماندىق تىلەيمىن!» دەپ جازدى ءماجىلىس ءتوراعاسى.
نۇرلان ءنىعماتۋليننىڭ ايتۋىنشا، مەديسينا قىزمەتكەرىنىڭ كۇنى بۇگىنگى تاڭدا ناعىز جالپىحالىقتىق مەرەكەگە اينالدى. ءاربىر دارىگەردىڭ حالىقتىڭ دەنساۋلىعىن قورعاۋ جولىنداعى قوسقان ۇلەستەرى وراسان زور.
وسىعان وراي، ءماجىلىس ءتوراعاسى بارلىق قازاقستاندىقتاردىڭ دەندەرىنە ساۋلىق جانە اماندىق تىلەدى.
پىكىر قالدىرۋ