قالا اكىمىنىڭ وكىمىمەن ساپار نۇراشيەۆ الماتىنىڭ جايلى قالالىق ورتا باسقارماسىنىڭ باسشىسى بولىپ تاعايىندالدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى.

ساپار نۇراشيەۆ 1975 جىلدىڭ 19 قاڭتارىندا تۋعان. 2001 جىلى الماتى تەحنولوگيالىق ۋنيۆەرسيتەتىن، ال 2008 جىلى قازاق باس ساۋلەت-قۇرىلىس اكادەمياسىن ءتامامداعان.

ەڭبەك جولىن 1966 جىلى الماتى قالاسىنداعى «تەمىر اگرووندىرىس فيرماسى» ج ش س ديرەكتورىنىڭ ورىنباسارى بولىپ باستاعان.

2002 جىلدان 2016 جىلدار ارالىعىندا الماتىداعى «بن ازيا اليانس» ج ش س، «اسىل قۇرىلىسى» ج ش س ديرەكتورى قىزمەتتەرىن اتقارعان.

2016-2019 جىلدار ارالىعىندا الماتى قالاسى المالى اۋدانى كوممۋنالدىق شارۋاشىلىق ءبولىمى باس مامانىنىڭ مىندەتىن اتقارۋشى، باس مامان، ءبولىم مەڭگەرۋشىسى بولىپ جۇمىس ىستەگەن.

كۇنى بۇگىنگە دەيىن جايلى قالالىق ورتا باسقارماسى باسشىسىنىڭ ورىنباسارى لاۋازىمىندا بولدى.