الماتى قالاسى اكىمىنىڭ وكىمىمەن ەرلان ءادىلوۆ قالالىق موبيلدىلىك باسقارماسىنىڭ باسشىسى بولىپ تاعايىندالدى، دەپ حابارلادى قالا اكىمدىگىنىڭ باسپا ءسوز قىزمەتى.

ەرلان ءادىلوۆ 1976 جىلى تۋعان. م. تىنىشپايەۆ اتىنداعى قازاق كولىك جانە كوممۋنيكاسيا اكادەمياسىن بىتىرگەن. كولىك جانە قۇقىقتانۋ سالالارى بويىنشا ەكى جوعارى ءبىلىمى بار.

ەڭبەك جولىن جەكە ۇيىمداردا قاۋىپسىزدىك قىزمەتىنىڭ قىزمەتكەرى بولىپ باستاعان. كولىك سالاسىنداعى جۇمىسى الماتىداعى «№4 اۆتوبۋس پاركى» ج ش س تەحنيكا قاۋىپسىزدىگىنىڭ ينجەنەرى رەتىندە باستالعان. 2007 جىلى اۋداندىق اكىمدىكتىڭ قىزمەتكەرى رەتىندە مەملەكەتتىك قىزمەتكە اۋىسقان.

2008 جىلدان باستاپ الماتى قالاسىنىڭ جولاۋشىلار كولىگى جانە اۆتوموبيل جولدارى باسقارماسىندا جۇمىس ىستەگەن، كولىك ءبولىمىنىڭ مامانى بولعان. اتالعان باسقارمادا جۇمىس اتقارعان جىلدارى مەملەكەتىك قىزمەتتىڭ بارلىق ساتىلارىنان وتكەن.

2018 جىلدان باستاپ كۇنى بۇگىنگە دەيىن قالالىق موبيلدىلىك باسقارماسى باسشىسىنىڭ ورىنباسارى بولىپ قىزمەت اتقارعان.