قازاقستان پرەزيدەنتى قاسىم-جومارت توقايەۆتىڭ جارلىعىمەن ەلدىڭ دەنساۋلىق ءمينيسترى ەلجان ءبىرتانوۆ قىزمەتىنەن بوساتىلدى. بۇل تۋرالى اقوردا سايتى حابارلادى.
سايتتا جاريالانعان توقايەۆتىڭ جارلىعىندا ءبىرتانوۆتىڭ نە سەبەپتى قىزمەتىنەن بوساتىلعانى تۋرالى ەشقانداي مالىمەت جوق.
بۇعان دەيىن ءبىرتانوۆتىڭ كوروناۆيرۋس جۇقتىرعانى حابارلانعان. سودان بەرى ونىڭ قىزمەتىن ورىنباسارى ءلاززات اقتايەۆا اتقارىپ كەلەدى.
48 جاستاعى ەلجان ءبىرتانوۆ 2017 جىلدان بەرى دەنساۋلىق مينيسترلىگىن باسقاردى. ونى بۇل قىزمەتكە ەلدىڭ سول كەزدەگى پرەزيدەنتى نۇرسۇلتان نازاربايەۆ تاعايىنداعان ەدى.
پىكىر قالدىرۋ