قازاقستان ورتالىق سايلاۋ كوميسسياسى (وسك) پارلامەنت سەناتىنىڭ دەپۋتاتتىعىنا ۇمىتكەرلەردىڭ سايلاۋ شىعىندارىنىڭ مولشەرىن حابارلادى. 

وسك حاتشىسى سابيلا مۇستافينانىڭ ايتۋىنشا، كانديداتتىڭ سايلاۋ قورىن قۇرايتىن قاراجات قازاقستاننىڭ حالىق جيناق بانكىندەگى ارنايى ۋاقىتشا شوتقا جيناقتالادى.

– رەسپۋبليكالىق بيۋدجەت قاراجاتىنان كانديداتتاردىڭ سايلاۋ الدىنداعى جاريالى ءىس-شارالارىن وتكىزۋگە، ۇگىت ماتەريالدارىن شىعارۋعا ارنالعان شىعىستارى مەن كولىك شىعىستارى ورتالىق سايلاۋ كوميسسياسى بەلگىلەگەن مولشەردە وتەلەدى. وسك ءوز قاۋلىسىمەن قازاقستان پارلامەنتى سەناتىنىڭ دەپۋتاتتىعىنا كانديداتتىڭ رەسپۋبليكالىق بيۋدجەت قاراجاتىنان وتەلەتىن شىعىستارىن 450 000 تەڭگە كولەمىندە بەلگىلەدى: اتاپ ايتقاندا، تەلەديداردان، راديودان باعدارلامامەن ءسوز سويلەۋ جانە مەرزىمدى باسپا باسىلىمدارىندا 2 ماقالا جاريالاۋ ءۇشىن – 300 000 تەڭگە؛ سايلاۋ الدىنداعى كوپشىلىك ءىس-شارالاردى وتكىزۋ جانە ۇگىت ماتەريالدارىن شىعارۋ ءۇشىن – 70 000 تەڭگە؛ كولىك شىعىندارى ءۇشىن – 80 000 تەڭگە قاراستىرىلعان، – دەدى مۇستافينا.

قازاقستاندا سەنات دەپۋتاتتارىنىڭ سايلاۋى 12 تامىزعا بەلگىلەنگەن.

زاڭ بويىنشا، سەناتقا ءار وبلىس پەن رەسپۋبليكالىق ماڭىزى بار قالالاردان ەكى ادامنان سايلانادى. دەپۋتاتتاردىڭ 34ء-ىن ءماسليحات دەپۋتاتتارى سايلايدى، قالعان 15ء-ىن پرەزيدەنت تاعايىندايدى.

سەنات دەپۋتاتتارىنىڭ وكىلەتتىك مەرزىمى – التى جىل. ءاربىر ءۇش جىلدا وكىلەتتىگى اياقتالعان دەپۋتاتتار قايتا سايلانادى. سوڭعى رەت سەنات دەپۋتاتتارىن سايلاۋ 2017 جىلى وتكەن.